Kobe (Corona Australis kwa Kilatini na Kiingereza) [1] ni jina la kundinyota kwenye angakusi ya Dunia.
Kobe ni kundinyota dogo linapakana na Mshale (pia Kausi au lat. Sagittarius) upande wa kaskazini na Nge (pia Akarabu, lat. Scorpio) upande wa magharibi, , Darubini (Telescopium) upande wa kusini, na Madhabahu (Ara) upande wa kusini magharibi.
Kobe lilijulikana kwa jina hili kwa miaka mingi kati ya mabaharia Waswahili waliotumia nyota kutafuta njia baharini wakati wa usiku.[2] Jina la Kobe lilipokelewa na Waarabu walioijua zamani kwa jina la قبه qubba kutokana na umbo lake maana nyota hukaa kama nusuduara[3]. Umbo hili linaweza kufafanishwa na umbo la mnyama kobe.
Wagiriki wa Kale waliona hapa shada la heshima la majani jinsi walivyowapa washindi wa michezo. Shada la heshima liliendelea baadaye kutazamiwa kama taji na hapo asili ya jina la kimataifa “Corona” linalomaanisha taji. Ilhali kuna kundinyota mbili zinazoitwa Corona zinatofautishwa kwa kuitwa ya kaskazini na ya kusini, hivyo Kobe ni Corona Australis (zamani pia Corona Austrina, kwa maana hiyohiyo).
Kobe ni kati ya makundinyota yiliyotajwa tayari na Klaudio Ptolemaio katika karne ya 2 BK kwa jina la Στεφανος νοτιος stefanos notios (Shada la Kusini).[4] Iko pia katika orodha ya makundinyota 88 ya Umoja wa Kimataifa wa Astronomia [5] kwa jina la Corona Australis. Kifupi chake rasmi kufuatana na Ukia ni 'CrA'.[6]
Kobe ina nyota 21 zinazoweza kuangaliwa kwa macho matupu lakini hazingai sana.
Jina la (Bayer) |
Namba ya Flamsteed |
Jina (Ukia) |
Mwangaza unaoonekana |
Umbali (miakanuru) |
Aina ya spektra |
---|---|---|---|---|---|
β | 4,10m | 400 | G7 II | ||
α | Meridiana[7] | 4,1m | 100 | A2 V | |
γ | 4,23m | 120 | F8 + F8 | ||
δ | 4,57m | 200 | K1 III |
![]() |
Makala hii kuhusu mambo ya sayansi bado ni mbegu. Je, unajua kitu kuhusu Kobe (kundinyota) kama historia yake au mahusiano yake na mada nyingine? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |