Wolfram Weiser
Datos persoais
Nacemento	5 de maio de 1954
Lugar	Mönchengladbach. Renania do Norte-Westfalia.
Falecemento	6 de febreiro de 2022 (67 anos))
Lugar	Colonia. Renania do Norte-Westfalia.
Nacionalidade	Alemán.
Actividade
Campo	Numismática.
Alma máter	Universidade de Colonia.
Director de tese	Reinhold Merkelbach.
Contribucións e premios
Premios	1999: Premio da GIG.
[ editar datos en Wikidata ]
v c e

Wolfram Weiser, nado en Mönchengladbach o 5 de maio de 1954 e finado en Colonia o 6 de febreiro de 2022, foi un numismático alemán.

Traxectoria

Wolfram Weiser cursou o seu ensino secundario no Arndt-Gymnasium de Krefeld, no seu Estado natal, e logo de concluír o seu servizo militar realizou os seus estudos superiores de Historia, Economía, Latín e Grego na Universidade de Colonia. En 1982 acadou o seu doutoramento cunha tese acerca das moedas bitinias de bronce de Nikaia durante o Imperio Romano,^[1] baixo a dirección de Reinhold Merkelbach.^[2]

O primeiro interese das súas investigacións posteriores seguiron a ser as emisións monetarias da Asia Menor e do Oriente de fala grega na Antigüidade, aínda que tamén se ocupou intensamente na cuñaxe de moeda romana en Occidente e en diversos aspectos na numismática posterior á Antigüidade. Tamén ten varios centrados acerca das emisións do emperador Póstumo en Colonia.^[1]

En 1997 foi nomeado profesor honorario de Historia Antiga, cunha énfase especial na umismática, na Universidade de Colonia.^[1][2]

Recoñecementos

• (1999): Premio da Sociedade de Historia Monetaria Internacional.^[1][2][3]

Publicacións

Esta é unha escolma dos principais traballos monográficos publicados por Wolfram Weiser ao longo da súa carreira:^[4][5][6]

Monografías

• (1983). Katalog der Alexandrinischen Kaisermünzen der Sammlung des Instituts für Altertumskunde der Universität zu Köln. Westdeutscher Verlag, Opladen.
  • Vol. 4: Claudius Gothicus - Bleimünzen. ISBN 978-3531099170
  • Vol. 5: Indices zu den Bänden 1-4. ISBN 978-3531099187
• (1983). Katalog der Bithynischen Münzen der Sammlung des Instituts für Altertumskunde der Universität zu Köln. Band 1: Nikaia – mit einer Untersuchung der Prägesysteme und Gegenstempel. Westdeutscher Verlag, Opladen. ISBN 978-3531099194
• (1995). Katalog Ptolemäischer Bronzemünzen der Sammlung des Instituts für Altertumskunde der Universität zu Köln. Westdeutscher Verlag, Opladen. ISBN 978-3531099378

Notas

Véxase tamén

Bibliografía

• Möller-Weiser, D. "Prof. Dr. Wolfram Weiser (1954-2022"). En Münzen Woche. 17 de febreiro de 2022.