Erich B. Cahn | |
---|---|
Datos persoais | |
Nome completo | Erich Bernhard Cahn |
Nacemento | 24 de febreiro de 1913 |
Lugar | Frankfurt Alemaña |
Falecemento | 26 de abril de 1993 (80 anos) |
Lugar | Berna Suíza |
Nacionalidade | Alemá (ata 1948). Suíza (desde 1948). |
Actividade | |
Campo | Numismática. |
Alma máter | Universidade de Basilea. |
Contribucións e premios | |
Premios | - (1978): Premio da GIG. - (1983): Premio Otto Paul Wenger. |
[ editar datos en Wikidata ] | |
Erich Bernhard Cahn, nado o 24 de febreiro de 1913 en Frankfurt e finado o 26 de abril de 1993 en Berna, foi un numismático e comerciante de moedas alemán, nacionalizado suízo en 1948.[1][2]
Erich B. Cahn proviña dunha coñecida familia de comerciantes numismáticos de Frankfurt. O seu avó, Adolph E. Cahn (1840-1918) fundara en 1874 unha tenda de moedas nesa cidade, que chegou a organizar poxas importantes.[3] O seu pai, Ludwig Theodor Cahn (1877-1924) e o seu irmán Julius Cahn (1871-1935) dirixiron conxuntamente ese negocio familiar ata despois da primeira guerra mundial.[4]
Logo dunha emigración forzada a Suíza, Eric trasladouse con outro dos seus irmáns, Herbert A. Cahn, e instaláronse en Basilea en outubro de 1933.[5] O ano seguinte, os irmáns Cahn fundaron alí a comopañía Münzhandlung Basel AG, renomeada en 1941 como Münzen und Medaillen AG, que se converteu nun dos referentes do comercio numismático a nivel mundial.[1]
Ademais do labor comercial, Erik B. Cahn foi un investigador numismático e é autor de diversos traballos monográficos acerca da historia da moeda suíza e do sur de Alemaña. En 1968 acadou o doutoramento pola Universidade de Basilea cunha tese acerca das moedas da Baviera ducal e electoral de 1506 a 1679.[1][6]
Esta é unha escolma dos traballos monográficos publicados por Erich B. Cahn:[9][10]