Indiana Pacers – No. 13 | |
Posición | Escolta |
---|---|
Información persoal | |
Nacemento | 7 de outubro de 1993 (30 anos) Mississauga, Ontario |
Nacionalidade | Canadá |
Altura | 1,98 m (6 ft 6 in) |
Peso oficial | 93 kg (205 lb) |
Información da carreira | |
Instituto | Loyola Catholic (Mississauga, Ontario) South Kent (South Kent, Connecticut) St. Mark's (Southborough, Massachusetts) |
Universidade | Michigan (2012–2014) |
NBA Draft | 2014 / Rolda: 1 / Elección: 8 Por Sacramento Kings |
Carreira | dende 2014 |
Historial de equipos | |
Sacramento Kings (2014–2015) Philadelphia 76ers (2015–2017) Brooklyn Nets (2017–2018) Portland Trail Blazers (2018–2019) Cleveland Cavaliers (2019) Baskonia (2019–2020) Raptors 905 (2021) Grand Rapids Gold (2021) Miami Heat (2021–2022) Grand Rapids Gold (2022) Boston Celtics (2022) → Maine Celtics (2022) Indiana Pacers (2022–presente) |
Nikolas Tomas "Nik" Stauskas, nado o 7 de outubro de 1993 en Mississauga, Ontario, é un xogador canadense de baloncesto profesional que xoga nos Indiana Pacers da National Basketball Association (NBA).
O 26 de xuño de 2014, foi seleccionado na 8ª posición do Draft da NBA de 2014 polos Sacramento Kings.[1] O 8 de xullo de 2014, asinou o seu contrato coma rookie cos Kings.[2]
O 10 de xullo de 2015, Stauskas foi traspasado ós Philadelphia 76ers xunto a Carl Landry, Jason Thompson e unha futura elección da primeira rolda do Draft, a cambio dos dereitos de Artūras Gudaitis e Luka Mitrović.[3]
O 7 de decembro de 2017, Stauskas foi traspasado xunto a Jahlil Okafor e unha elección da segunda rolda do Draft de 2019 ós Brooklyn Nets, a cambio de Trevor Booker.[4]
O 5 de xullo de 2018, Stauskas asinou cos Portland Trail Blazers.[5]
O 4 de febreiro de 2019, Stauskas foi traspasado xunto a Wade Baldwin IV e dúas eleccións da segunda rolda do Draft ós Cleveland Cavaliers, a cambio de Rodney Hood.[6] Tres días máis tarde, o 7 de febreiro de 2019, Stauskas foi traspasado xunto a Iman Shumpert, Wade Baldwin IV e unha elección da segunda rolda do Draft de 2021 ós Houston Rockets, nun traspaso entre tres equipos que tamén mandou a Brandon Knight, Marquese Chriss e dúas futuras eleccións do Draft ós Cleveland Cavaliers, e a Alec Burks e unha elección da segunda rolda do Draft de 2020 ós Sacramento Kings.[7] Horas máis tarde foi traspasado de novo xunto a Baldwin e unha elección da segunda rolda do Draft de 2021 e os dereitos de Maarty Leunen, desta vez ós Indiana Pacers.[8] O 8 de febreiro, foi cortado polos Pacers.[9] O 11 de febreiro, asinou cos Cleveland Cavaliers.[10]
O 1 de agosto de 2019, Stauskas asinou co Saski Baskonia da Liga ACB.[11] O 12 de febreiro de 2020, Stauskas e o Baskonia chegaron a un acordo para rescindir o contrato do xogador.[12]
O 31 de decembro de 2021, Stauskas asinou un contrato de dez días cos Miami Heat.[13]
O 9 de xullo de 2022, Stauskas foi traspasado xunto a Aaron Nesmith, Daniel Theis, Malik Fitts, Juwan Morgan, e unha elección da primeira rolda do Draft de 2023 ós Indiana Pacers a cambio de Malcolm Brogdon.[14]