|
Quest articol chì l'è scrivud in lombard, con la Noeuva Ortografia Lombarda |
La Prineide a l'è un poemet satiregh scrivud del Tomas Gross in del 1816 in dialet milanes e che 'l parla de la fin de l'Isep Prina.
In del test, che l'è fad de 40 sestin in schema ABABCC, l'autor el fa finta che ghe compariss in soeugn l'ombria del Prina che 'l ghe domanda 'me che van i robe, e l'ombria la se rabia cont i burocrazzie di austriegh e cont i pretese de la nobiltà de tornà ai so privilesg.
L'oeuvra l'è stada investigada de la polizzia austriega, desgià che la circolava anca cont di insult assee pesant contra l'Imperator. L'è stad anca interogad el Carlo Porta ma a la fin i austriegh ghe riven a l'autor che l'ha scrivuu de bon l'oeuvra che dopo poch l'amet de havélla scrivuda ma senza i part ofensiv vers la Corona e l'è donca relassad senza acuse e cont anca el perdon ofizzial de l'Imperator.
El Stendhal l'ha fad trè traduzzion in frances de l'oeuvra.
