Iter ab Isca Legionis Londinium usque in Itinerario Antonini describitur (484,10-485,7, 485,8-486,7 et 477,10-478,5) quo itinera Britannica "ab Isca Calleva", "alio itinere ab Isca Calleva" et pars itineris "a Regno Londinio" continentur. Milia passuum 166 aut 160 enumerantur ab Isca Legionis Londinium usque. Via quae a ruinis Callevae Orienti versus ad flumen Tamesim tendit ab Anglis aevi posterioris Devil's Highway nuncupata est.[1] Via quae a Glevo Callevam tendit a posterioribus Ermin Way aut Ermin Street appellatur.