10. janúar - Ráðuneyti Bjarna Benediktssonar tók við völdum. Stjórnin var mynduð af Sjálfstæðisflokki, Viðreisn og Bjartri framtíð með minnsta mögulega meirihluta..
14. janúar - Birna Brjánsdóttir hvarf í miðborg Reykjavíkur. Tveir sjómenn af grænlenskum togara í Hafnarfirði voru handteknir í kjölfarið. Öðrum þeirra var síðar sleppt án ákæru, hinn var ákærður fyrir morð.
18. janúar - 29 fórust þegar snjóflóð féll á Hotel Rigopiano í Pescara-sýslu á Ítalíu.
19. janúar - Eiturlyfjabaróninn Joaquín Guzmán var framseldur til Bandaríkjanna.
19. janúar - Adama Barrow tók við embætti forseta Gambíu.
Blóm á Westminster-brú þar sem árásin átti sér stað.
8. mars - Herspítalaárásin í Kabúl 2017: Yfir 100 létust þegar hópur byssumanna réðust inn í herspítala í Kabúl.
10. mars - Sameinuðu þjóðirnar vöruðu við mögulegu mesta neyðarástandi heims frá Síðari heimsstyrjöld vegna hættu á hungursneyð í Jemen, Sómalíu, Suður-Súdan og Nígeríu.
10. mars - Hæstiréttur Suður-Kóreu kvað upp úr um lögmæti vantrausts sem þingið hafði samþykkt á hendur Park Geun-hye, forseta landsins, sem þar með var vikið úr embætti.
22. mars - Árásin í Westminster 2017: 52 ára Breti ók bíl á vegfarendur á Westminster-brú í London og stakk lögreglumann áður en hann var skotinn til bana.
22. mars - Orrustan um Mósúl: Fjöldagröf með þúsundum fórnarlamba Íslamska ríkisins fannst við borgina.
26. mars - Yfir 700 voru handteknir í víðtækum mótmælum gegn stjórn Pútíns í Rússlandi.
7. apríl - Árásin í Stokkhólmi 2017: Maður ók vöruflutningabíl inn í hóp fólks á Drottninggatan í miðborg Stokkhólms með þeim afleiðingum að 5 létust.
9. apríl - Árásirnar á koptísku kirkjurnar í Egyptalandi í apríl 2017: 44 létust í tveimur sjálfsmorðssprengjuárásum á koptískar kirkjur í Alexandríu og Tanta.
13. apríl - Loftárásin á Nangarhar: Bandaríkjaher varpaði GBU-43/B MOAB-sprengju á miðstöð Íslamska ríkisins í Afganistan með þeim afleiðingum að 94 létust.
15. apríl - Yfir 120 létust þegar árás var gerð á bílalest með flóttafólk við Aleppó í Sýrlandi.
16. apríl - Tyrkir samþykktu umdeildar breytingar á stjórnarskrá Tyrklands í þjóðaratkvæðagreiðslu.
20. apríl - Hryðjuverkaárásin á Champs-Élysées: Kharim Cheurfi réðist á lögreglumenn og þýska ferðakonu með AK-47-árásarriffli.
Maí
Salvador Sobral í Söngvakeppni evrópskra sjónvarpsstöðva.
3. júní - Árásin á Lundúnabrú: Þrír hryðjuverkamenn óku á vegfarendur og réðust síðan á fólk með hnífum. Þeir myrtu 8 áður en lögregla skaut þá til bana.
12. ágúst - Þrír létust og 19 særðust í mótmælum hægrisinnaðra öfgahópa í Charlottesville í Bandaríkjunum gegn því að stytta af Robert E. Lee yrði fjarlægð.
6. september - Fellibylurinn Irma gekk yfir Karíbahafið og Bandaríkin og olli 146 dauðsföllum.
12. september - Björt framtíð sleit stjórnarsamstarfi við Sjálfstæðisflokkinn og Viðreisn eftir að upp komst að faðir Bjarna Benediktssonar hefði verið einn þeirra sem mæltu með því að kynferðisbrotamaður hlyti uppreist æru, en dómsmálaráðherra aðeins upplýst forsætisráðherra sjálfan um það.
Slökkviliðsmenn í húsarústum eftir sprengjutilræðið í Mógadisjú.
1. október - 58 létu lífið og 851 særðust þegar Stephen Paddock hóf skothríð á tónleikagesti í Las Vegas frá hótelherbergi sínu.
1. október - Þjóðaratkvæðagreiðsla um sjálfstæði Katalóníu fór fram. 92% samþykktu sjálfstæði en andstæðingar sniðgengu atkvæðagreiðsluna sem hæstiréttur Spánar hafði áður dæmt ólöglega.
31. október - Pallbílsárásin í New York 2017: Maður ók pallbíl á göngu- og hjólreiðafólk við Hudson River Park í New York-borg með þeim afleiðingum að 8 létust.
Nóvember
Salvator Mundi eftir Leonardo da Vinci.
2. nóvember - Ný tegund órangútangapa, tapanúlíórangútang, var greind í Indónesíu.
24. nóvember - Yfir 300 létust í árás á mosku á Sínaískaga í Egyptalandi.
29. nóvember - Stríðsglæpamaðurinn Slobodan Praljak lést eftir að hafa drukkið flösku af eitri þegar hann beið dóms Alþjóðlega stríðsglæpadómstólsins fyrir fyrrum Júgóslavíu.
9. desember - Íraksher lýsti því yfir að hann hefði „að fullu“ frelsað öll svæði í Írak undan stjórn Íslamska ríkisins og náð stjórn á landamærunum að Sýrlandi.
24. desember - Gvatemala tilkynnti að þeir hygðust feta í fótspor Bandaríkjanna og flytja sendiráð sitt í Ísrael til Jerúsalem. Hondúras og Panama gerðu slíkt hið sama 2 dögum síðar.
28. desember - Mótmælin í Íran 2017-18: Mótmæli brutust út vegna efnahagsráðstafana ríkisstjórnar Írans.