Transportes Urbanos de Santiago S. A. (TUSSA) é unha empresa de transportes compostelá, responsable do transporte público urbano nesa cidade, así como da xestión de varios aparcadoiros públicos da cidade. A empresa ten en réxime de concesión un total de 22 liñas, que prestan servizo á cidade e áreas limítrofes, mesmo con zonas de concellos da Área metropolitana de Santiago de Compostela.
Liñas
Liñas urbanas
As liñas urbanas prestan servizo entre diferentes puntos da cidade. A frecuencia destas liñas vai desde os 12 minutos ata os 60, dependendo da liña, e son as seguintes:
Estas liñas conectan diferentes barrios cos hospitais e nós de comunicación:
C2 : San Caetano - Fontiñas - Hospital Provincial - Hospital Clínico – Vite - San Caetano
C4 : San Caetano - Vite - Hospital Clínico - Hospital Provincial - Fontiñas - San Caetano
C5 : Polígono Costa Vella - Amio - Praza de Galicia - Restollal - Amio - Polígono Costa Vella
C6 : Polígono Costa Vella - Amio - Restollal - Hórreo - Amio - Polígono Costa Vella
C11 : Circular de Fontiñas
Liñas interurbanas
Estas liñas parten de distintos puntos da cidade e ofrecen servizos a zonas situadas fóra da cidade, pero que polo seu nivel de poboación, fan necesario que teñan un servizo de transporte que as comunique co centro da cidade:
No ano 2017 comezouse a deseñar a nova distribución de liñas de transporte urbano que botarían a andar na cidade. O proceso de cambio levaríase a cambio mediante un período transitorio (até o 31 de decembro de 2019) e un período definitivo (a partir do 1 de xaneiro de 2020) [1]. A día de hoxe aínda ningún destes cambios se levou a cabo. O Concello continúa a traballar no novo contrato do transporte coa idea de poñelo a funcionar no ano 2022[2].
