De stimmhafti epiglottali Frikativ oder Vibrant isch en Konsonant vo dr mänschliche Sprooch. Ùnter de Sprooche vo dr Wält chùnt er sälte vor. S Zeiche im IPA defür isch [ʢ]. Des Zeiche wird mangmool au für en pharyngale Vibrant bruucht, wyl schynts kei Sprooche zwüsche epiglottale ùn pharyngale Frikativ ùnterscheide. Drùm duen mangi Linguischte mit däm ùn em Zeiche für e pharyngale/epiglottale Frikativ s Zeiche [ʕ] nee, ùn für en pharyngale/epiglotte Vibrant s Zeiche [ʢ].
- Es isch en Frikativ; es wird e Engi im Muul bildet, wo de Lùftstrom duredrùggt wird oder aber es isch en Vibrant ùn wird mit meerere Schläg vo dr Zùng gäge de Artikulationsort artikuliert.
- De Artikulationsort isch Epiglottal; es wird ganz hinte im Rache mit dr aryepiglottische Falte ùn dr Epiglottis e Engi bildet.
- D Phonation isch stimmhaft; derwyylscht er produziert wird, vibriere d Stimmbänder.
- Es isch en orale Konsonant; d Lùft goot dur s Muul usse.
- Es isch en egressive Konsonant; er wird allei dur s Usstoosse vo Lùft mit de Lunge ùn em Zwerchfell erzüügt, wie die meischte mänschliche Sproochluut.
Sprooch |
Wort |
IPA-Transkription |
Bedütig |
Bemerkig
|
Aghulisch[1]
|
|
[ʢakʷ]
|
‚Liecht‘
|
|
Siwi[2]
|
|
[arˤbˤəʢa]
|
‚vier‘
|
- ↑ Kodzasov, S. V. Pharyngeal Features in the Daghestan Languages. Proceedings of the Eleventh International Congress of Phonetic Sciences (Tallinn, Estonia, Aug 1-7 1987), pp. 142-144.
- ↑ Mr. Christfried Naumann, Doctoral Student, Department of Linguistics, Max Planck Institute for Evolutionary Anthropology, Leipzig, Germany. June 26, 2009.
Konsonante
|
Lueg au: IPA, Vokale
|
|
Bi de Spalte wo grau sin, goot mer devo uss, dass si nit artikuliert werde chönne; wysi Spalte, ùn Zeiche, wo nit verlinkt sin, hen kei offiziels IPA-Zeiche un/oder sin uss keinere Sprooch bekannt.
|