Traxectoria
Stephen M. Album, nado en Nova York en 1942, cursou os seus estudos superiores de Matemáticas na Universidade de California en Berkeley, onde se graduou en 1963. En 1971 acadou o seu mestrado en Estudos de Oriente Próximo, na mesma universidade.[1][2][3]
A vinculación de Album á numismática comezou en 1960,[3] e a partir de 1975 dedicuose por completo a esta rama do saber, ata se converter nun experto nas emisións do mundo islámico,[1] tanto desde o punto de vista académico como desde o comercial.[4]
En 1977 publicou unha versión totalmente reescrita da obra de William Marsden Numismata Orientalia Illustrata, unha guía para o coleccionismo de moedas islámicas e orientais. Ootro dos seus traballos máis salientables foi a súa contribuciión con tres dos dez volumes na obra monuimental Sylloge of Islamic Coins, que cataloga as moedas islámicas da colección do Museo Ashmolean, de Oxford.[3][4]
En 1976, Stephen Album estableceu un comercio numismático especializado nas poxas de moedas raras, sinaladamente islámicas e orientais.[3][5]
Entre outras scoiedades eruditas, Album é membro da American Numismatic Society, de Nova York.[6]
Recoñecementos
Publicacións
Esta é unha escolma dos traballos monográficos publicados por Stephen Album ao longo da súa traxectoria:[1][3][4]
- (1971-1974). Catalogue of California Trade Tokens. S. Album, Berkeley.
- (1971). Vol. 1. Nothern California.
- (1974). Vol. 2. Southern California and San Francisco.
- (1971). California Trade Token Place Names in 1971 (con D. Feisel).
- (1977). Marsden's Numismata orientalia illustrata. ISBN 978-0915018161
- (1980). California '76: Tokens and Medals of the American Revolution (con D. Feisel).
- (1993). A Cheklist of Islamic Coins.S. Album, Berkeley. ISBN 978-0963602411
Estadounidense
