Catania: Fu grapùtu lu trattu di l'autostrata Sarausa-Catania tra la circonvallazzioni di Catania e lu svinculu di Lintini. Tra quarchi misi s'avissi a gràpiri l'urtima quinnicina di chilòmitri chi restanu tra Lintini e lu svinculu di Villasmundu unni l'autostrata appoi cuntinua nzinu a Rusalini.
Missina: Nu carusu di 8 anni, Rosolinu Canniu, di Enna, battiu lu record pi èssiri lu cchiù nicu a aviri natatu attravirsannu lu strittu di Missina (funti: La repubblica)
Agrigentu: n sequitu a nfaggini, la prucura dâ ripùbbrica fici arristari lu sìnnicu di Lampidusa, Birnardinu De Rubeis, cu l'accusa di cuncussioni. Secunnu l'accusi, addumannau diversi dicini di migghiara di euru pi accilirari na pratica riscussioni.
Majorca: N'attintatu attribbuitu all'ETA, l'urganizzazzioni tirrurista dî Paisi Baschi, fici du' morti. Sei pirsuni foru già firmati dâ polizzia spagnola cu l'accusa di aviri participatu all'attintatu.
Verbier: Alberto Contador, già vincituri dû Tour de France ntô 2007, vinci la prima tappa di muntagna di l'edizzioni 2009 dû Tour, e si varagna la magghia gialla. Lu sò cumpagnu di squatra, Lance Armstrong, puru iddu, vincituri dû Tour diversi voti, agghica darrèri di circa un minutu e menzu, ma resta secunnu ntâ classifica ginirali.
Teheran: N'aeriu dâ Caspian Airlines direttu a Erevan n Armenia, pigghiau focu deci minuti doppu lu dicollu, e cadìu nti na riggiuni disabbitata ntô nord di l'Iran facennu cchiossai di 160 morti.
Urumqi: Ntâ riggiuni autònuma dû Xinjiang, lu cuvernu riprimiu na rivorta dâ minuranza uigura, di cunfissioni mussurmana. Si cuntaru cchiossai di 150 morti.
Wimbledon: Doppu na partita di tennis chi durau cchiossai di 4 uri, Roger Federer vinciu la finali contra Andy Roddick, agghicannu accussì a sei vittori a Wimbledon e 15 vittori dû Granni Slam, battennu accussì lu record di Pete Sampras chi n'avia vinciutu 14.