27 di austu

• Marsa Sciroccu: Nu gummuni cu 79 eritrei agghicau ntô portu dâ cità maltisi. N'autru eritreu fu ripiscatu a mari, mortu. 40 autri immigrati agghicaru a Sarausa a bordu di nu pischirecciu.

25 di austu

• Sfax: Nu pischirecciu di Mazzara fu siquistratu di l'autorità dâ Tunisia. Pari chi piscassi n acqui tirrituriali tunisini. A bordu s'attrovanu tri italiani e quattru cittadini extracumunitari.

20 di austu

• Lampidusa: Quattru òmini e na fìmmina eritrei forru succurruti a 12 km di l'isula. Cuntaru chi naviganu di 23 jorna e chi na sittantina di àutri cumpagni di viaggiu mureru ntâ travirsata.

19 di austu

• Puzzaddu: 10000 pirsuni assisteru ô cuncertu di Roy Paci

18 di austu

• Taurmina: Lu boss dâ 'ndranghita Paulu Rusariu De Stefanu fu arristatu mentri chi era n vacanza. Era tra li 30 ricircati cchiù piriculusi d'Italia.

16 di austu

• Birlinu: Lu sprinter Usain Bolt battiu lu sò record dû munnu dî 100 metri, currènnuli n 9.58.

• 13 di austu
• Taiwan: Nu tifuni distruìu diversi paisi supratuttu ntê muntagni. Si cuntanu diversi cintinara di morti.

4 di austu

• Pyongyang: L'ex prisidenti miricanu Bill Clinton ncuntrau lu capu dû riggimi dâ Curea dû Nord, Kim Jong Il. Cu la sò midiazzioni arriniscìu a purtàrisi â casa li dui giurnalisti miricani accusati di spiunaggiu e ditinuti n curea dû Nord.