ZE
|
Quésta pàgina a l'é scrîta in léngoa zenéize
A Grafîa adeuviâ a l'é quélla de l'Académia Ligùstica do Brénno |
Enrico Scaravelli (Pegognaga, 8 màzzo 1928 - Zêna, 29 zùgno 2018) o l'é stæto 'n poêta e dramatùrgo italiàn.
Tra i outoî de mûxica e tiâtro contenporànni, o Scaravelli o l'é caraterizòu da-a variêtæ di têmi da lê tratæ, che l'àn portòu a spaçiâ da-a scrîtûa de racónti a quélla de cansoìn pe numerôxi intèrpreti italién, scìnn-a-a produçión tiatrâle, con vàrri tèsti scrîti in zenéize, mantovàn e italiàn che són stæti raprezentæ in tùtta a penîzoa[1].
Òtegnûo o diplöma da giòmetra, da-o 1931 o Scaravelli o s'é trasferîo a Zêna, dónde o l'à travagiòu inta pùblica aministraçión. O l'à incomensòu a scrîve, pe sò demôa, de föe pe banbìn, racónti in sciâ Segónda Goæra Mondiâle, fæto ch'o l'à segnòu profondaménte[2], óltre che de poêxîe in zenéize e in mantovàn, co-e quæ o l'à goâgnòu di prémmi regionâli e naçionâli.
A sò ativitæ a s'é pöi estéiza a quélla de parolê ascì, ségge in zenéize che in italiàn, co-a produçión de ciù ò mêno 'n çentanâ de tèsti che són stæti càntæ, tra i âtri, da Tony Dallara, Bobby Solo, Betty Curtis, Enrico Musiani, Gino Latilla, Marisa Brando e Piero Parodi[2].
Inta sò ativitæ da dramatùrgo o l'à scrîto ciù de quarànta tèsti in zenéize, pàrte prinçipâ da sò produçión tiatrâle, di quæ 'na trenténn-a a l'é stæta tradûta e rivixitâ da lê mæximo in mantovàn e 'n'âtra dêxénn-a in italiàn. Insémme a âtre òpere scrîte pe 'n pùblico ciù zoêno, o l'à dónca prodûto 'n totâle de 75 comédie brilànti che, ancón a-a giornâ d'ancheu, són raprezentæ in tùtta a penîzoa. Pe de ciù, in vàrie òcaxoìn, o l'à parteçipòu a-e raprezentaçioìn de sò òpere cómme comediànte, intràndo coscì a fâ pàrte ségge di dramatùrghi che di atoî contenporàni[3].
Tra e sò òpere, o l'à publicòu dôe arecugéite de poêxîe da-o tìtolo Mare Dolce (Pirella editô, 1983)[4] e Un'ancora (ediçioìn outoî outogestî)[5], óltre che 'na série de racónti da-o tìtolo Racconti e Favole non soltanto per bambini[6]. Aprêuvo a-a sò ativitæ de outô contenporànio in zenéize, o l'é çitòu ànche inte 'n inportànte sàggio de letiatûa lìgure do Fiorenzo Toso[7].
Çertidùn di sò tèsti tiatrâli, cómme E rostïe sotto a cenie e Gente nostra són stæti publicæ da-a Càscia de Rispàrmio de Zêna e Inpéria ascì[8]. In particolâ, a segónda, a l'é asæ despægia da-o rèsto da sò produçión aprêuvo a-o têma tratòu, ö sæ a vìtta in ténpo de goæra co-ina stöia che, pur sfiorando il dramma per l'autenticità dei fatti accaduti, viene vissuta dalla protagonista, nonna Dirce, con sarcasmo e ironia[9].
In zenéize[10]:
In mantovàn (no són minsonæ quélle de quæ a gh'è a versción in zenéize)[11]:
In italiàn (no són minsonæ quélle de quæ a gh'è a versción in zenéize)[12][13]:
Divèrsci són, inta cariêra do Scaravelli, i prémmi goâgnæ a livéllo locâle e regionâle pi-â sò ativitæ de scritô e de outô; óltre a 'sti riconosciménti chi o Scaravelli o l'à goâgnòu ànche 'na medàggia d'öo into 1970 a-o concórso naçionâle Hans Christian Andersen pi-â föa Il paese di Fandonia e Veritania e o segóndo prémio into 1980 con L'amuleto di Aniuk[14]. Into 1983 o l'à òtegnûo o segóndo prémio a-o concórso internaçionâle a-o Carlevâ de Viaréggio co-ina sò poêxîa[14].
A-i 18 de novénbre do 2015, l'asociaçión "A Conpàgna" a l'à conferîo a-o Scaravelli o Prémio speciâle "Giöxèppe Marzari" co-a motivaçión[14]:
Foresto de nascita ma zeneize d'adoçion, o l'è personn-a estroza, comunicativa e de grande verve artistica; o scrive testi e o l'interpreta personaggi comici a conferma de 'n'atenta vixon e conoscenza da comedia in zeneize.
Aprêuvo a-a sò ativitæ, into 1991 o l'à riçevûo o tìtolo de Ofiçiâ órdine a-o mérito da Repùbrica Italiànn-a[15].
Ofiçiâ órdine a-o mérito da Repùbrica Italiànn-a
- 27 dexénbre 1991
Contròllo de outoritæ | VIAF (EN) 307418236 · SBN (IT) SBNV026768 · WorldCat Identities (EN) 307418236 |
---|