Decemviri legibus scribundis fuerunt consilium ad iura rei publicae Romanae describenda annis 451 et 450 a.C.n. electum. Decemviri consulti sunt, quia plebs instituerat secessionen facere, donec leges scriptae fuissent. Ita Decemviri creaverunt leges XII Tabularum.
Ab initio rei publicae saepe certamina ordinum plebis et patriciorum erant. Neque cum ab anno 494 a.C.n. tribuni plebis electi essent, cives pace certa frui potuerunt. Itaque senatus populusque decrevit, ut decemviri leges et iura ordinum describerent.
Anno 451 decem viri patricii ordinis electi sunt, qui etiam in loco consulum summum imperium habuerunt:
Hi decem tabulas legum descripserunt.
Cum plebeii plures leges postularent, anno 450 a.C.n. secundum collegium electum est. Nunc et plebeii inter decemviros fuerunt:
Hi undecimam et duodecimam tabulam composuerunt. Sed quod deinde se tyrannos praebuerunt, anno 449 a.C.n. iterum consules summi magistratus electi sunt[1].