Posición | Ala-pivote / Pivote |
---|---|
Información persoal | |
Nacemento | 21 de outubro de 1983 (40 anos) Oklahoma City, Oklahoma |
Nacionalidade | Estados Unidos |
Altura | 2,06 m (6 ft 9 in) |
Peso oficial | 113 kg (250 lb) |
Información da carreira | |
Universidade | Duke |
NBA Draft | 2006 / Rolda: 1 / Elección: 5 Por Atlanta Hawks |
Carreira | dende 2006 |
Historial de equipos | |
Atlanta Hawks (2006–2008) Sacramento Kings (2008–2009) Minnesota Timberwolves (2009) Boston Celtics (2009–2010) Denver Nuggets (2010–2011) New York Knicks (2011) New Jersey Nets (2011–2012) Élan Chalon (2012–2013) Tianjin Ronggang (2013–2015) |
Shelden DeMar Williams, nado en Oklahome City, Oklahoma, o 21 de outubro de 1983, é un ex xogador estadounidense de baloncesto e actual adestrador asistente dos Erie BayHawks da NBA G League.
No instituto Midwest City obtivo todos estes galardóns:
Foi suspendido no equipo por un incidente nunha habitación dun hotel en Columbus, Ohio, no que foi acusado de violación.
Williams graduouse na Universidade de Duke, onde pasou 4 anos, dende 2002 ata 2006, licenciándose en álxebra. Cos Blue Devils foi toda unha estrela e deixou para a posteridade diferentes récords coma líder histórico en rebotes o tapóns. Os seus números foron moi destacados en cada unha das tempadas que pasou alí. Na 2003-04 comezou brillar con 12.6 puntos, 8.5 rebotes e 3 tapóns, en 2004-05 incrementou ata os 15.5 puntos, 11.2 rebotes e 3.7 tapóns e no seu último ano, na 2005-06 foise ata os 18.8 puntos, 10.7 rebotes e 3.8 tapóns. Esa tempada logrou ser o terceiro xogador de Duke en conseguir unha tripla dobre, ao asinar 19 puntos, 11 rebotes e 10 tapóns na vitoria sobre Maryland o 11 de xaneiro de 2006.
Outro dos seus logros non só a nivel de Duke, senón de toda a NCAA é o feito de converterse no terceiro xogador na historia do baloncesto universitario en anotar 1500 puntos, capturar 1000 rebotes, taponar 350 tiros e roubar 150 balóns durante a súa aventura na NCAA. Só Tim Duncan e Ralph Sampson foron capaces diso. A súa camiseta nº 23 foi retirada na universidade o 28 de xaneiro de 2007.
Algúns dos recoñecementos que tivo foron os seguintes:
En Duke gañou o alcume de "The Landlord"; o seu tamaño, intensidade e estilo agresivo de xogo fixérono converterse en todo un dono da pintura.
Shelden foi elixido polos Atlanta Hawks no posto nº 5 do draft de 2006. Comezou contando pouco, pero a medida que foi transcorrendo a tempada foi gañando minutos, confianza e xogo ata o punto de chegar a ser o mellor rookie do mes de abril na Conferencia Leste da NBA, promediando 11.6 puntos e 10.6 rebotes. Velaquí algunhas das súas actuacións máis salientables en dito mes:
O 16 de febreiro de 2008 foi traspasado aos Sacramento Kings xunto con Anthony Johnson, Tyronn Lue, Lorenzen Wright e unha segunda rolda do draft de 2008 a cambio do base Mike Bibby, mentres que un ano despois foi enviado aos Minnesota Timberwolves xunto con Bobby Brown por Rashad McCants e Calvin Booth. O 3 de agosto de 2009 asinou un contrato dun ano cos Boston Celtics.[1] E o 14 de xullo de 2010 asinou outro contrato dun ano, esta vez con Denver Nuggets.
O 13 de decembro de 2011 asinou un contrato cos New Jersey Nets.[2]
O 28 de agosto de 2012, asinou un contrato co campión da liga francesa, o Élan Chalon.[3][4]