As uvas da ira | |
---|---|
![]() Póster do filme. | |
Ficha técnica | |
Título orixinal | The Grapes of Wrath |
Director | John Ford |
Produtor | Darryl F. Zanuck Nunnally Johnson |
Guión | Nunnally Johnson |
Baseado en | The Grapes of Wrath, de John Steinbeck |
Intérpretes | Henry Fonda Jane Darwell John Carradine |
Música | Alfred Newman |
Fotografía | Gregg Toland |
Montaxe | Robert L. Simpson |
Estudio | 20th Century Fox |
Estrea | 24 de xaneiro de 1940 |
Duración | 129 minutos |
Orixe | ![]() |
Orzamento | 800 000 dólares[1] |
Recadación | 2,5 millóns de dólares[2] |
Na rede | |
![]() ![]() ![]() ![]() ![]() ![]() ![]() ![]() ![]() ![]() ![]() |
As uvas da ira (en inglés: The Grapes of Wrath), é un filme estadounidense de 1940 dirixido por John Ford e baseado na novela homónima de John Steinbeck, gañadora do premio Pulitzer. O filme foi realizado na década de 1940, época en que o cinema estadounidense tendía a evitar o realismo social. O filme é máis optimista que a obra literaria en que se basea.[3]
En 1989 o filme foi considerado "cultural, histórica e esteticamente significativo" pola Biblioteca do Congreso dos Estados Unidos de América e seleccionado para a súa preservación no National Film Registry.[4]
Foi emitido na TVG o 14 de xullo de 2000.[5]
As uvas da ira conta a historia dunha familia de granxeiros de Oklahoma na década de 1930 que tralo crac de 1929 son expulsados da súa terra e teñen que emigrar a California. Realizan unha dura viaxe nun Hudson "Super Six", pasando por diversas vicisitudes no que crian equivocamente que era o paraíso.