Jane Darwell
Biografía

Nacemento	(en) Patti Woodard 15 de outubro de 1879 Condado de Marion, Estados Unidos de América ^(pt)
Morte	13 de agosto de 1967 (87 anos) Woodland Hills (Estados Unidos de América)
Causa da morte	infarto agudo de miocardio
Lugar de sepultura	Forest Lawn Memorial Park




Datos persoais
País de nacionalidade	Estados Unidos de América
Actividade
Lugar de traballo	Estados Unidos de América
Ocupación	actriz de cinema , actriz de teatro , actriz
Período de actividade	1913 -
Lingua	Lingua inglesa
Premios Óscar á mellor actriz secundaria, premiado polo traballo As uvas da ira estrela no Paseo da Fama de Hollywood

Patti Woodard, nada en Palmyra (Missouri) o 15 de outubro de 1879 e finada nos Ánxeles o 13 de agosto de 1967, foi unha actriz estadounidense, coñecida como Jane Darwell.

Traxectoria

Estudou piano e arte dramática nun momento pensou en facerse monxa, pero cambiou de opinión e converteuse en actriz. Comezou a actuar en Chicago e debutou no cinema en 1913. Tras aparecer en preto de vinte filmes en dous anos volveu ao teatro. Tras quince anos reincorporouse ao cinema en 1930, comezando a súa carreira como actriz de carácter en Hollywood. O seu físico levouna en ocasións a interpretar a nai dun protagonista. En cinco filmes de Shirley Temple interpretou a súa avoa ou unha ama.

Gañou o Oscar á mellor actriz secundaria polo seu papel de "Ma Joad" en As uvas da ira (1940), personaxe á que chegou pola insistencia do protagonista, Henry Fonda.

Traballou tamén na televisión, e o seu último papel foi a muller que dá de comer ás pombas en Mary Poppins (1964), traballo que lle ofreceu persoalmente Walt Disney^[1] a pesar da súa mala saúde.