Wieslet Gmeind Chleis Wiisedal
| |
---|---|
![]() | |
Dialekt: | Alemannisch |
Hauptvariante: | Hochalemannisch |
Regionalvariante: | Markgräflerisch |
Höchi: | 387 m |
Flechi: | 6,4 km² |
Iiwohner: | 594 |
Bevölkerigsdichti: | 93 Iiwohner/km² |
Iigmeindig: | 1. Januar 2009 |
Regierigsbezirk: | Fryburg |
Landchreis: | Lörrach |
Poschtleitzahl: | 79699 |
Vorwahl: | 07622 |
Nummereschild: | LÖ |
Dialäkt: Markgräflerisch (Lörrach) |
Wyslet (IPA: ['vi:slɛt], amtlig Wieslet) isch e ehemoligi Gmei in Bade-Württeberg (Dütschland) un ghört zum Landkreis Lörrach.
Die ehemolig Gmei ghört sit em 1.1.2009 zue dr neije Gmei Chleis Wiisedal mit Hauptort Dägernau, wo ussem gliichnammige Gmeiverwaltigsverband hervorgange isch. D'Umwandlig vum Gmeiverwaltigsverband in e Verbandsgmei isch us finanzieller Not erfolgt.
Wyslet litt im Südschwarzwald im Chleine Wiesedal uff 400 bis 600 Meter über em Meer. Vo de Flächi (640 ha) isch etwa d Hälfti Wald.
Züe de ehemolige Gmeind Wyslet ghöre näbem glychnamige Hauptort nordwestlig devo no d Ortsdeil Eichholz und Henscheberg.[1]
Nochbergmeinde sin Sallneck im Norde, Dägernau im Oste, Schopfe im Süde und Steine im Weste.
Im Chloster St. Blasie hät scho um 1100 e große Deil vo Wyslet, Eichholz und Henscheberg ghört. Im Johr 1278 hän em de Dietrich und d Adelheid vo Roteburg no mol e Deil devo gschenkt.
Im Johr 1311 isch d Roteburg zum erschte Mol in re Urkunde erwähnt worre und wohrschints 1356 bim Basler Erdbebe zerstört worre.
Sit 1936 ghört Wyslet zum Landchreis Lörrach.[2]
De het Gmeinderoot het sich uss acht Mitglyder zämmegesetzt, wo in diräkter Wahl für jewyls fümf Johr gwählt werre. Di letschti Wahl isch 2004 gsi. Im April 2007 hät sich s Gremium sälber uffglöst, indem sich d Gmeindröt eistimmig gegesitig entlo hän.
S Wappe zeigt e rote Hirsch-Chopf uff silbrigem und im Hindergrund e rote Löw uff gelbem Grund sowie e Fluss. De Hirsch-Chopf stoht für s Chloster St. Blasie, im Hindergrund isch s Wappe vo Roteberg. S Wappe git s sit 1902.[3]
Mit em Ernst-Schleith-Atelier und em Friedrich-Ludwig-Museum hät s zwei chleini Musee. Si würdige di beide Moler, wo z Wyslet uff d Wält cho sin.
Mit de Ernst-Schleith-Schüel hät Wyslet e eigeni Grundschüel. Zudem git s sit 1970 e evangelischi Chinderschüel.