Tegernau Gmeind Chleis Wiisedal
| |
---|---|
![]() | |
Dialekt: | Alemannisch |
Hauptvariante: | Hochalemannisch |
Regionalvariante: | Markgräflerisch |
Verbreitig: | hoch |
Höchi: | 443 m |
Flechi: | 10,15 km² |
Iiwohner: | 385 |
Bevölkerigsdichti: | 38 Iiwohner/km² |
Iigmeindig: | 1. Januar 2009 |
Regierigsbezirk: | Fryburg |
Landchreis: | Lörrach |
Poschtleitzahl: | 79692 |
Vorwahl: | 07629 |
Nummereschild: | LÖ |
Dialäkt: Markgräflerisch (Lörrach) |
Dägernau (IPA: [ˈdæːg̥̊ərnaʊ̯]; amtlig Tegernau) isch e ehemoligi Gmei in Bade-Württeberg (Dütschland) un ghört zum Landkreis Lörrach.
Die ehemolig Gmei ghört sit em 1.1.2009 zue dr neije Gmei Chleis Wiisedal , wo ussem gliichnammige Gmeiverwaltigsverband hervorgange isch. D'Umwandlig vum Gmeiverwaltigsverband in e Verbandsgmei isch us finanzieller Not erfolgt.
Z'Dägernau isch dr Verwaltigssitz vu dr neije Gmei un au scho vum Gmeiverwaltigverband gsi.
Dängernau litt im Naturapark Südschwarzwald uff 380 bis 750 Meter über em Meer im Dal vo de Chleine Wiese.
Dr Bann gränzt im Norde an Wys, Raich und Elbeschwand, im Oschte an d Stadt Zell im Wiisedal, im Süde an d Stadt Schopfe und Wyslet. Westlig devo isch Sallneck.
Zu de Gmeind Dänernau ghöre d Dörfer Dägernau, Nyderdägernau und Schwand, de Zinche Chäppeli und s Hus Kuhnigrabe. Im Gmeindegebiet liige di abgangene Ortschafte Steininge und Wolfgeringe und di abgangeni Burch Waldeck.
Dägernau isch 1139 in re bäpstlige Bulle zum erschte Mol erwähnt worre. Zu säller Zit hät s scho e Chirch ge, wo e Zäntralfunktion für di vyle chleine Dörfer vom Dal erfüllt hät; di meiste von ene hän kei eigeni Chirch gha. 1503 isch de Ort an d Markgrafe vo Bade-Durchlach cho, wo 1556 d Reformation ygfiehrt hän.
Bi Dägernau hät s no gringi Rest vo de mittelalterlige Burg Neu-Waldeck.
Dägernau isch nit numme geografisch, sondere au verwaltigsmäßig s Zäntrum vom chleine Wiesedal.
![]() |
Dä Artikel basiert uff ere fräie Übersetzig vum Artikel „Tegernau“ vu de dütsche Wikipedia. E Liste vu de Autore un Versione isch do z finde. |