Wappe | Dütschlandcharte | |
---|---|---|
![]() |
| |
Basisdate | ||
Dialekt: | Alemannisch | |
Hauptvariante: | Hochalemannisch | |
Regionalvariante: | Wiisedälerisch | |
Bundesland: | Bade-Württebärg | |
Regierigsbezirk: | Friburg | |
Landchreis: | Löörech | |
Höchi: | 353 m ü. NHN | |
Flächi: | 9,73 km² | |
Iiwohner: |
4264 (31. Dez. 2022)[1] | |
Bevölkerigsdichti: | 438 Iiwohner je km² | |
Poschtleitzahl: | 79689 | |
Vorwahl: | 07622 | |
Kfz-Chennzeiche: | LÖ | |
Gmeischlüssel: | 08 3 36 057 | |
Adress vo dr Gmeiverwaltig: |
Hermann-Burte-Straße 57 79689 Mulburg | |
Webpräsenz: | ||
Burgermeischter: | Jürgen Multner | |
Lag vo dr Gmei Mulburg im Landchreis Löörech | ||
![]() |
Mulburg ['mu:lbʊʁg] (amtlich: Maulburg) isch e chlini Gmeind im Landchreis Lörrach z'Bade-Württebärg z Ditschland. S alemannisch Schlötterli für dr Name isch Schnurreburg (abgleitet vu pejorativ Schnurre fer Mul). Historisch belegt isch dr Name Murperch.
D'Gmeind Mulburg het 4264 Iiwohner (Stand: 31. Dezember 2022) un dehnt sich uf är Flächi vo 973 Hektar us. Die chlini Wiisetalgmeind lid in ebe däm Wiisetal un am däm Fluss, wo im Wiisetal si Name geh het: dr Wiise.
Mulburg isch am komfortabelschte z'erreiche mit 'm Wiisetal-Express - offiziell trinationali Regio-S-Bahn. Sit Dezember 2004 fahrt s'Bähnli an de Wuchedäg vum fünfi morgens bis zur Mitternacht alli halbi Stund vom Badische Bahnhof z'Basel über Lörrach bis uf Zell im Wiisetal. Erchauft worre isch dr Fortschritt mit dr Umwandlig vum Muulburger Bahnhoft in e ubesetzte Haltepunkt. Eso git's keini persönlichi Berodig un au kei persönliche Billetverchauf meh, sondern numme no e Billet-Automat.
Ergebnis vo dr Landdagswahle sit 2006:[2]
Johr | CDU | SPD | FDP | Grüeni | Linki1 | AfD | Suschtigi |
2016 | 22,6 % | 17,7 % | 6 % | 34,5 % | 1,8 % | 13,1 % | 4,2 % |
2011 | 25,5 % | 32,2 % | 5,3 % | 29 % | 2,5 % | 5,5 % | |
2006 | 33,1 % | 38,5 % | 9,7 % | 11,6 % | 3,6 % | 3,5 % |
1 2006: WASG, sit 2011: Die Linke