Satigny | |
---|---|
![]() | |
Basisdate | |
Staat: | Schwiiz |
Kanton: | Gämf (GE) |
Bezirk: | (De Kanton Gämf kennt ke Bezirk.) |
BFS-Nr.: | 6638 |
Poschtleitzahl: | 1242 |
UN/LOCODE: | CH SAT |
Koordinate: | 491558 / 119145 |
Höchi: | 431 m ü. M. |
Flächi: | 19.08 km² |
Iiwohner: | 4449 (31. Dezämber 2022)[1] |
Website: | www.satigny.ch |
![]() Blick uf s Dorf un Rääbe | |
Charte | |
![]() |
Satigny (frankoprovenzalisch [a satɲi][2]) isch e bolitischi Gmai im Kanton Gämf in dr Schwyz.
Satigny lyt uf dr rächte Syte vum Rottu an dr Gränz zue Frankrych. Zue dr Gmai ghere s Dorf Satigny un d Wyler Bourdigny-Dessous, Bourdingy-Dessus, Chouilly, Peissy, Peney-Dessous und Peney-Dessus. Dr Bann umfasst 59 % landwirtschaftligi Flechine, 19 % Wald, 15 % Sidligsflechine, 4 % Vercheersflechine un 2 % Gwässerflechine.[3]
Nochbergmaine sin Meyrin, Vernier, Bernex, Aire-la-Ville, Russin un Dardagny un di franzesische Gmaine Thoiry un Saint-Genis-Pouilly.
Satigny isch zum erschte Mol gnännt wore anne 912 as villam Satiniatis (um 1128 de Satiniaco, 1280 Satignie).
Quälle: Bundesamt für Statistik 2005[4]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 1044 | 1095 | 1172 | 1227 | 1206 | 1343 | 1268 | 1310 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 1335 | 1383 | 1373 | 1594 | 1877 | 1708 | 2320 | 2785 |
De Uusländeraateil isch anne 2011 bi 26,2 % gläge.[3]
28,1 % vu dr Yywohner sin anne 2000 reformiert gsi, 38,6 % remisch-katholisch.[3]
Bi dr Nationalrotswahle 2011 het s des Ergebnis gee:[3] FDP 24,6 %, CVP 8,6 %, GLP 4,6 %, GP 15,6 %, MCR 6,9 %, SP 14,9 %, SVP 19,1 %, Sunschtigi 5,7 %.
Gmaindspresidänt isch dr Claude Guinans (Stand 2012).
Bi dr Volkszellig 2000 hän vu dr 2.785 Yywohner 2.208 Franzesisch as Hauptsproch aagee, 137 Dytsch, 62 Italienisch un 378 anderi Sproche.[3]
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[5][6].