Dardagny | |
---|---|
![]() | |
Basisdate | |
Staat: | Schwiiz |
Kanton: | Gämf (GE) |
Bezirk: | (De Kanton Gämf kennt ke Bezirk.) |
BFS-Nr.: | 6620 |
Poschtleitzahl: | 1282 |
Koordinate: | 488560 / 116976 |
Höchi: | 434 m ü. M. |
Flächi: | 8.56 km² |
Iiwohner: | 1799 (31. Dezämber 2022)[1] |
Website: | www.dardagny.ch |
![]() Reformierti Chilche | |
Charte | |
![]() |
Dardagny (frankoprovenzalisch [a dardaˈɲi][2]) isch e bolitischi Gmai im Kanton Gämf in dr Schwyz.
Dardagny lyt am Rottu. Zue dr Gmai ghere d Derfer Dardagny un La Plaine un d Wyler Malval, Essertines, La Tuilière un Les Granges. Dr Bann umfasst 61 % landwirtschaftligi Flechine, 26 % Wald, 7 % Sidligsflechine, 3 % Vercheersflechine un 2 % Gwässerflechine.[3]
Nochbergmaine sin Satigny, Russin un Avully. Im Weschte gränzt d Gmai an Frankrych.
Dardagny isch zum erschte Mol gnännt wore anne 1309 as Dardaniacum, La Plaine anne 1321 as Planum, Malval vor 1100 as Marval, Malvaz.
Quälle: Bundesamt für Statistik 2005[4]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 462 | 540 | 568 | 654 | 687 | 781 | 718 | 730 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 662 | 703 | 686 | 767 | 734 | 678 | 1065 | 1284 |
De Uusländeraateil isch anne 2011 bi 28,1 % gläge.[3]
29,4 % vu dr Yywohner sin anne 2000 reformiert gsi, 37,0 % remisch-katholisch.[3]
Bi dr Nationalrotswahle 2011 het s des Ergebnis gee:[3] FDP 26,3 %, CVP 10,0 %, GLP 2,7 %, GP 11,2 %, MCR 9,7 %, SP 15,1 %, SVP 18,5 %, Sunschtigi 6,5 %.
Gmaindspresidänt isch dr Pierre Duchêne (Stand 2012).
Bi dr Volkszellig 2000 hän vu dr 1.284 Yywohner 1.088 Franzesisch as Hauptsproch aagee, 52 Dytsch, 32 Italienisch un 112 anderi Sproche.[3]
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[5][6].