Chancy | |
---|---|
![]() | |
Basisdate | |
Staat: | Schwiiz |
Kanton: | Gämf (GE) |
Bezirk: | (De Kanton Gämf kennt ke Bezirk.) |
BFS-Nr.: | 6611 |
Poschtleitzahl: | 1284 |
Koordinate: | 486278 / 112017 |
Höchi: | 360 m ü. M. |
Flächi: | 5.37 km² |
Iiwohner: | 1671 (31. Dezämber 2022)[1] |
Website: | www.chancy.ch |
Bruck bi Chancy über de Rottu | |
Charte | |
![]() |
Chancy (frankoprovenzalisch [a θɑ̃fi / θɑ̃θi][2]) isch e bolitischi Gmai im Kanton Gämf in dr Schwyz.
Chancy lyt in dr Champagne an dr Gränze zue Frankrych. Zue dr Gmai ghere d Derfer Chancy un Passeiry un dr Wyler Le Cannelet. Dr Bann umfasst 52 % landwirtschaftligi Flechine, 33 % Wald, 8 % Sidligsflechine, 3 % Vercheersflechine un 4 % Gwässerflechine.[3]
Nochbergmaine sin Avully un Avusy un di franzesische Gmaine Viry, Valleiry un Vulbens im Département Haute-Savoie un Pougny im Département Ain.
Uf em Gmaisgebiet vo Chancy isch dr weschtligscht Punkt vor Schwyz. D Gränze zu Frankrych bildet de Rottu, wo nochher entgiltig uf franzesischem Gebiet richtig Mittelmeer wyter fliesst.
Chancy isch zum erschte Mol gnännt wore anne 1240 as Chancie.
Quälle: Bundesamt für Statistik 2005[4]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 346 | 318 | 319 | 344 | 325 | 331 | 268 | 326 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 271 | 286 | 296 | 322 | 374 | 542 | 637 | 913 |
De Uusländeraateil isch anne 2011 bi 20,8 % gläge.[3]
25,2 % vu dr Yywohner sin anne 2000 reformiert gsi, 25,3 % remisch-katholisch.[3]
Bi dr Nationalrotswahle 2011 het s des Ergebnis gee:[3] FDP 17,6 %, CVP 9,7 %, GLP 2,9 %, GP 12,3 %, MCR 11,4 %, SP 18,8 %, SVP 18,9 %, Sunschtigi 8,4 %.
Gmaindspresidänt isch dr René Günter (Stand 2012).
Bi dr Volkszellig 2000 hän vu dr 913 Yywohner 785 Franzesisch as Hauptsproch aagee, 30 Dytsch, 11 Italienisch un 87 anderi Sproche.[3]
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[5][6].