Meyrin | |
---|---|
![]() | |
Basisdate | |
Staat: | Schwiiz |
Kanton: | Gämf (GE) |
Bezirk: | (De Kanton Gämf kennt ke Bezirk.) |
BFS-Nr.: | 6630 |
Poschtleitzahl: | 1217 |
UN/LOCODE: | CH MEY |
Koordinate: | 495451 / 121117 |
Höchi: | 435 m ü. M. |
Flächi: | 10.00 km² |
Iiwohner: | [1] | 26'517 (31. Dezämber 2022)
Website: | www.meyrin.ch |
![]() Place du village, Meyrin | |
Charte | |
![]() |
Meyrin (frankoprovenzalisch [y vlɔːð d ˈmaɛːrɛ̃][2]) isch e bolitischi Gmai im Kanton Gämf in dr Schwyz.
Meyrin lyt am rächte Stade vum Rottu. Zue dr Gmai ghere näb em Dorf Meyrin au no d Wyler Mategnin un Maisonnex un e Dail vum Quartier Cointrin. Dr Bann umfasst 36 % landwirtschaftligi Flechine, 4 % Wald, 33 % Sidligsflechine un 26 % Vercheersflechine.[3]
Nochbergmaine sin Grand-Saconnex, Vernier un Satigny. Im Norde gränzt d Gmai an Frankrych.
Vor em Zoll im Nordweste isch en Grosstail vom CERN (Europäischi Organisazion för Kärnforschig), de ander Tail isch dänn uf französischem Gebiet. I de nöchi vom Hauptiigang vom CERN stoht de «Palais de l'Equilibre», e begehbari Holzchugle, wo a de Expo.02 z Nöieburg am See gstande isch. Au en Tail vom Flughafe Genf-Cointrin isch uf em Gmaindsgebiet vo Meyrin.
Meyrin isch zum erschte Mol gnännt wore anne 1153 as Mairin, Mategnin anne 1269 als Matignins, Maisonnex anne 1153 als Maisoniacum.
Quälle: Bundesamt für Statistik 2005[4]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 597 | 657 | 610 | 621 | 666 | 856 | 1039 | 1325 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 1709 | 1945 | 2063 | 3215 | 14255 | 18808 | 19519 | 19548 |
De Uusländeraateil isch anne 2011 bi 44,9 % gläge.[3]
16,3 % vu dr Yywohner sin anne 2000 reformiert gsi, 40,1 % remisch-katholisch.[3]
Bi dr Nationalrotswahle 2011 het s des Ergebnis gee:[3] FDP 11,0 %, CVP 9,7 %, GLP 1,7 %, GP 13,3 %, MCR 14,5 %, SP 20,0 %, SVP 20,7 %, Sunschtigi 9,1 %.
Gmaindspresidänt isch dr Pierre-Alain Tschudi (Stand 2012).
Bi dr Volkszellig 2000 hän vu dr 19.548 Yywohner 14.320 Franzesisch as Hauptsproch aagee, 817 Dytsch, 809 Italienisch un 3.602 anderi Sproche.[3]
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[5][6].