Die 26ste Dinastie (ook Dinastie XXVI geskryf; 685–525 v.C.) was die laaste koningshuis van Antieke Egipte wat regeer het voor die verowering van die land deur die Persiese Ryk. Dit word beskou as die begin van die Laat Tydperk van Egipte[1] en word ook die Saïs-tydperk genoem omdat die stad Saïs die hoofstad van die dinastie se farao's was.
Die dinastie se wortels strek terug na die 24ste Dinastie. Psamtik I was waarskynlik ’n afstammeling van Bakenrenef, en ná die Assiriese besetting tydens die bewind van Taharqa en Tanoetamoen is hy erken as die enigste heerser van die hele Egipte. Tydens ’n burgeroorlog in Assirië het hy die Assiriese juk afgegooi en bondgenootskappe met ander streke gevorm om Assiriese aanvalle af te weer.
Toe Psamtik en sy opvolgers probeer om hul mag in die Nabye-Ooste te hervestig ná die val van die Assiriese Ryk, is hulle deur Babilonië teruggedryf. Met die hulp van Griekse huursoldate kon Apriës Babiloniese pogings om Egipte oor te neem afweer, maar die Perse het Egipte eindelik ingeneem.
![]() |
![]() |
![]() |
![]() | ||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
Psamtik I | Wahibre | 664-610 v.C. | Sais | ||||||||||||||||
Necho II | Wehemibre | 610-595 v.C. | |||||||||||||||||
Psamtik II | Neferibre | 595-589 v.C. | |||||||||||||||||
Apriës | Haaibre | 589-570 v.C. | |||||||||||||||||
Amasis II | Chnemibre | 570-526 v.C. | Sais | ||||||||||||||||
Psamtik III | Anchkaenre | 526-525 v.C. |
Voorafgegaan deur ← 25ste Dinastie |
26ste Dinastie | Opgevolg deur 27ste Dinastie → |