Venezuela,[1] officialmente le Republica Bolivarian de Venezuela, es un pais in le costa del nord de America del Sud. Venezuela ha un parte continental e multe insulas in le Mar Caribe, e alsi frontieras con Guyana al est, Brasil al sud, e Colombia al west. Trinidad e Tobago e le insulas nederlandese (appellate le "insulas ABC") de Aruba, Bonaire, e Curaçao se trova al nord del costa de Venezuela. Su urbes plus importante son Maracaibo, Barquisimeto, Valencia, Maturín, Ciudad Guyana e le capital e citate le plus populose, Caracas. Venezuela ha un economia basate principalmente in le extraction de petroleo.
Le presidente actual de facto es Nicolás Maduro. E Maduro e Juan Guaidó pretende a ser le presidente de jure, e cata es recognoscite como le presidente per le governamentos de multe nationes. Paises que recognosce Guaidó como presidente include Peru[2], Brasil, Argentina, Colombia, le SUA, Canada, Australia, Israel, Marocco, e le major parte del paises del Union Europee includente le Regno Unite, Francia, Espania, e Germania; illos que recognosce Maduro include China, Russia, Turchia, Mexico, Bolivia, Cuba, e Nicaragua.[3]