Cuba[1], officialmente Republica de Cuba, es un nation insular in le Mar Caribe. Illo consiste del insula de Cuba, le Isla de la Juventud, e plure archipelagos. Havana es le capital e plus grande citate in Cuba; Santiago de Cuba es le secunde plus grande citate. Cuba es le plus populate nation insular in le Mar Caribe. Su gente, cultura, e costumes se deriva de plure fontes: le gente Taíno e Ciboney, le era de colonialismo espaniol, le introduction de sclavos african; e su proximitate al Statos Unite de America.
Cuba es un del dece-tres paises que forma le America Insular, Antillas o insulas del mar Caribe, e un del trenta e cinque del continente american. Le archipelago es completato per le insula del Juventute e plus de mille parve insulas: Cayo Coco, Cayo Guillermo, Cayo Santa María, Cayo Las Brujas, Cayo Ensenachos e Cayo Cruz, in le archipelago cognoscito como Jardines del Rege; Cayo Jutías e Cayo Levisa, in le archipelago del Colorates; e Cayo Largo del Sur in le archipelago del Canarreos,[2] inter alteres. Face frontiera, al nord, con le stato statounitense de Florida, con le Bahamas, al west con Mexico, Honduras e al sud con le Insulas Caiman y Jamaica. Al sud-est de Cuba, es le insula de Hispaniola.