Paraguay | |||
|
|||
Hymno: national anthem of Paraguay | |||
![]() ![]() |
|||
Nomine native | República del Paraguay, Tetã Paraguái | ||
---|---|---|---|
Classe | republica, stato soveran[*], pais sin accesso al mar[*], pais | ||
Pais | Paraguay | ||
Capital | Asunción | ||
Population | 6 811 297 | ||
Area | 406 756 km² ![]() |
||
Coordinatas | 23°30'S, 58°0'W | ||
Linguas official | espaniol, lingua guarani | ||
Fuso horari | UTC-04:00[*], America/Asuncion[*] | ||
Codice telephonic | +595 | ||
Valuta | Paraguayan guaraní[*], Paraguayan peso[*], Paraguayan real[*] | ||
Dominio de Internet | .py[*] | ||
ISO 3166-1 alpha-2 | PY | ||
ISO 3166-1 alpha-3 | PRY | ||
ISO 3166-1 numeric | 600 | ||
Codice IOC | PAR | ||
Geonames ID | 3437598 | ||
Sito web: https://www.paraguay.gov.py/ | |||
![]() |
|||
Wikimedia Commons Category Paraguay |
Paraguay[1] es un republica sudamerican situate inter Brasil, Argentina e Bolivia. Le territorio paraguayan occupa duo regiones differente separate per le Río Paraguay: le Oriental, que es le plus populate, e le Occidental, que forma parte del Chaco Boreal. Mesmo si illo es un pais sin accesso al mar, illo ha duo costas fluvial del Paraguay e del Paraná que disbucca in le Río de la Plata e son ambes totalmente navigabile.
Paraguay es un stato laic, democratic e unitari, organisate in 17 departimentos e un citate capital (Asunción). Illo es un membro fundator del MERCOSUR (Mercato Commun del Sud) con Argentina, Brasil e Uruguay, e es alsi membro del UNASUR. Juncte con Brasil, illo es un proprietario de un del plus grande centrales hydroelectric in le mundo. Paraguay es le quarte major productor de soja e le none exportator de carne. Le climate varia del sub-tropic al temperate. Il ha plus de pluvias in le Oriente que in le Occidente.
Un lingua official de Paraguay es le espaniol (practicate per 55% del populo), ma contrari al paises vicin Paraguay ha conservate un lingua indigena — le guarani — como un lingua national vehicular que es quasi universal (practicate per 88% del populo). Le major parte del paraguayanos son bilingue. In despecto de lor lingua indigena, illes son pro le majoritate mesticios; le parve population indigena suffre discrimination general.
In le seculo 19, Paraguay ha interprendite un invasion de Argentina que resultava in le Guerra del Triplice Alliantia (1865-1870), disastrose pro iste pais. Iste catastrophe ha requirite 50 annos a surmontar. Postea, Paraguay debeva confrontar un secunde conflicto devastante, le Guerra del Chaco (1932-1935), contra Bolivia. Alfredo Stroessner esseva le dictator de dextera del pais desde 1954 usque 1989. In 2008, su partito — le Partito Colorado — ha perdite controlo del stato pro le prime vice durante sexanta annos quando le populo elegeva Fernando Lugo, un ancian episcopo de sinistra, al presidentia del republica.
|