![]() ![]() | |
Nome orixinal | Modesto Seara Vázquez |
---|---|
Biografía | |
Nacemento | 11 de setembro de 1931 ![]() Allariz, España ![]() |
Morte | 2022 ![]() |
Datos persoais | |
País de nacionalidade | España ![]() |
Educación | Universidade Complutense de Madrid ![]() |
Actividade | |
Ocupación | académico ![]() |
Lingua | Lingua galega ![]() |
Premios | |
![]() |
Modesto Seara Vázquez, nado o 11 de setembro de 1931 en Allariz e finado o 26 de decembro de 2022, foi un político e xurista galego.
Realizou estudos en dereito na Universidade Central de Madrid, e obtivo o título de licenciado en 1955. Viaxou a Londres en 1957 e tamén a París, onde cursou o doutoramento en dereito internacional na Universidade da Sorbona. En 1959 presentou a tese Études de Droit Interplanetaire, unha das primeiras obras sobre o dereito do espazo exterior.
Logo de doutorarse marchou a México, onde foi profesor da Universidade Nacional Autónoma de México[1]. A finais do século XX empezou a crear unha rede de universidades públicas no estado de Oaxaca, da que acabou por ser reitor. A rede, o Sistema de Universidades Estatais de Oaxaca (SUNEO) comprende a Universidade Tecnolóxica da Mixteca, a Universidade do Mar, a Universidade do Istmo, a Universidade da Serra Sur, a Universidade da Sierra Juárez, a Universidade do Papaloapan e a Universidade da Cañada. Ese de reitor era o posto que tiña en 2011, cando recibiu a Medalla Castelao.
Foi académico das Relacións Internacionais, destacou polas súas achegas no campo do Dereito do espazo exterior, dereito internacional e o estudo das Relacións Internacionais.
En 2011 foi recoñecido pola Xunta de Galicia coa Medalla Castelao.