Sprimont (sicrît et prononcî parey e francès), c' est ene rebanêye comene del Walonreye, el province di Lidje.
Li comene si stind so cåzu tot l' platea k' i gn a inte les vås des aiwes di Vesse (a Bijhe), d' Oûte (å Coûtchant), d' Ambleve (a Nonne) eyet di Hoûgne (å Levant).
Sol droete erive d' Ambleve, i gn a l' site del Bele-Rotche, ene caviene fossile k' est l' plaece di prezince uminne li pus viye (d' i gn a 500.000 anêyes) do Benelusse.
On saetche al bleuwe pire, k' est ossu taeyeye a Sprimont.