Beldjike | |
![]() | ![]() |
---|---|
Imne nåcionå: Li Braibançone | |
![]() | |
Mwaisse-veye | Brussele |
Lingaedje oficir | Neyerlandès, francès, Almand |
Sitindêye • totåle • aiwe | 30 688 km² 0.8% |
Populåcion • totåle • dinsité | 11,584,008 dimorants 377.5 djins/km² |
Dislaxhaedje | 4 octôbe 1830 |
Tchîf d' estat | Flipe di Beldjike |
Prumî minisse | Alexander De Croo |
Manoye | uro |
Coisse d' eure | UTC+01:00, UTC+02:00 |
Preficse telefonike | +32 |
Dominne internete | .be |
![]() | |
Li Beldjike, c' est on payis di l' Urope do Coûtchant, k' a skepyî e 1831, après ene revintreye siconte do dierin mwaisse do payis, li Rwè do Rweyåme Uni des Bas Payis, Wiyåme d' Orandje.
Li Beldjike est on rweyåme avou ene mwaisse lwè.
Les dmanants el Beldjike sont lomés les Beldjes (on prononce pus sovint come e francès d' Walonreye les Belch).
Li Revintreye bedje ou Revolucion bedje, c' est l' revintreye des provinces di Nonne do Rweyåme Uni des Bas Payis. Li Revintreye sorvina e 1830, li 25 d' awousse, et finixha li 4 d' octôbe 1830 avou l' proclamåcion do dislaxhaedje del Beldjike. E 1831, li Rweyåme Uni des Bas Payis erconoxhe li Beldjike ki wangna si dislaxhaedje.
Li Beldjike est pårteye e 10 provinces + Redjon d'Brussele (ki n' est nén ène province).
Li Beldjike esteut, padvant 1995, pårteye e 9 provinces
Dispu les anêyes 1970, li Beldjike est pårteye e troes redjons economikes:
Les sacwès cultureles sont sol goviene di des cminåltés d' lingaedje :
Les ancyinnes comenes (pitits bans) ont stî rebanés po fé des "intités comunåles" li 1î d' djanvî 1977. Divant çoula, gn aveut ddja yeu des ptits rebanaedjes. C' est l' minisse Joseph Michel k' a yeu l' no d' aveur metou ene alaedje çou k' on lome co sovint li "fuzion des comenes".
Li pus ptite comene di Beldjike, c' est Hestape.
Li Beldjike est dins l' cwatrinne di payis del Daegn k' ont wårdé l' minme mwaisse lwè dispu 175 ans (1831).
Li politike linwistike est ehåyeye dins l' mwaisse lwè, a l' årtike 30 ki dit :
Dins l' mwaisse lwè, il est eto metou ki tote lwè doet esse sinêye på rwè eyet onk di ses minisses. E 1831, c'esteut pår avanciveus, et sacwants payis, par après, ont rcopyî ci hagnon la.
Li rapoirt inte l' estat et les eglijhes est acvierné pa les årtikes 11, 19, 20 et 24 del mwaisse lwè.
I n' ont måy sitî rcandjîs dins les mwintès refômes del constitucion.
I djhèt ki l' estat et les eglijhes ricnoxhowes ni si dvèt nén meler des afwaires di n' onk l' ôte. Mins l' estat paye les priyesses des diferinnès rlidjons.