Li reschandixhaedje del Daegne u l' restchåfmint do climat u l' ertchåfmint del planete, c' est on clintcha foirt awiyant di montaedje del timperateure emîtrinne del Daegne k' a cmincî avou l' trevén industriyel (18inme sieke), mins ki s' a ewaeré e 20inme sieke.
Il est cåzé, shonne-t i, på crexhaedje do tô d' CO2 (et ds ôtes resserants gåz) dins l' air.
Gn a des glaecîs fondèt totavå l' Daegne, çou k' aveut ddja stî rilevé dispu les anêyes 1950.[1]
Les fleurs k' on pout trover e-n ene metowe såjhon dins on metou payis sont sovint bråmint pus tårdowes ki di memwere di djin.[2]
Des foraedjes dins l' calote di glaece des pôles mostrèt li contnou e CO2 sieke pa sieke dispu les trevéns djeyolodjikes. Li rmontêye des tôs d' CO2 ni s' a måy fwait avou ene téle felesse ki ces dierins 200 ans cial.[3]
L' avanceye des accions des estats si mzeure on côp l' an al conferince di l' ONU sol climat (COB).
Gn a sovint des rotaedje po renonder les djins, mierdjins et politikî a fé ene sacwè pus rade et pus straegnmint. E 2018, ene sifwaite manif a rashonné a Brussele dipus d' 75.000 djins.[4]