Hestape (neyerlandès Herstappe ), c' est èn ancyin ptit ban del Flande, astok del Walonreye, divnowe tote seule ene intité, el province do Limbork. C' est li pus ptite comene del Beldjike.

C' est ene comene ås åjhminces linwistikes.

• Limeros del posse :
  • asteure : 3117
  • davance : 3714
• Limero diyalectolodjike : W 17 (pask' i gn aveut co des walon-cåzants diviè 1920).
• Arondixhmint : Tongue

No di des plaeces di Hestape

Sacwants nos d' plaece di Hestape sont e walon dins les vîs papîs.

• Li voye do Moustî (la-minme, dinltins, li vôye dè Mostî, asteure Kerkstraat / rue de l'église)
• Li voye des Leus
• pré del bam (dins les vîs papîs dispu 1583) (ridoblete do flamind "bampt", pré)
• å Piroe (la-minme : Pîreu, Fl. "op de Piereu)
• Li ptite campagne (fl. 't klein Veld), a Bijhe do viyaedje, astok di Russon.
• al Tchapele (Fl. "aan de Kappel, aan het heilige huiske) : voye del tchapele Sinte-Croes, so Russon.
• li grande voye del Tchapele (Fl. Hoolstraat)
• li tombe (Fl de Tom) : tomboe metou sol Wedje.
• li campagne del tombe (Fl. Tomveld)
• å dzeu l' tier (Fl. Op den Berg)

Djeyografeye

Pitit viyaedje metou a Bijhe di Viyé l' Eveke et d' Odeur, dilé l' Wedje.

Istwere

Li signorreye d' Hestape dipindeut do Tchapite Sint-Djhan d' Lidje. Ele esteut administrêye avou l' cene di Cmexhe.

Istwere des lingaedjes

Les vîs papîs des scabins (dispoy li 14inme sieke) sont e scrîta francesse. Eto les papî del Coû d' Djustice (dispoy li 15inme sieke). Ey ossu les redjisses des pårotche. On n' trouve k' e 1592 li ratournaedje e flamind d' èn ake di djustice. E 1557, gn a on bay (stuyt) k' est prezinté al Coû "translaté di tîxhon e walon".

Davance, les abagants flaminds aprindént l' walon. Mins moens al fén do 19inme sieke.

Dimorants :

Li comene a passé eviè l' Province do Limbork e 1935.

Rilidjon

L' eglijhe di Hestape dipindeut del cen di Russon.

Tuzance walone

Li walon d' Hestape a stî studyî pa J. Herbillon dins ses tournêyes sol Hesbaye.

L' accint walon rishonne å ci des ôtes viyaedjes del Hesbaye. Gn a des calcaedjes do flamind, come bék.

L' oyon AN/ON est prononcî ON (li gronde voye del Tchapele).

I gn a so les cmons Wikipedia des imådjes ou fitchîs son a vey avou Hestape .

	Province do Limbork
Arondixhmint d' Hasse: As | Beringen | Diepenbeek | Genk | Gingelom | Halen | Ham | Hasse (Hasselt) | Herk-de-Stad | Heusden-Zolder | Leopoldsburg | Lummen | Nieuwerkerken | Opglabbeek | Sint-Trond (Sint-Truiden) | Tessenderlo | Zonhoven | Zutendaal Arondixhmint d' Maaseik: Bocholt | Bree | Dilsen-Stokkem | | Hamont-Achel | Hechtel-Eksel | Houthalen-Helchteren | Kinrooi | Lommel | Maaseik | Meeuwen-Gruitrode | Neerpelt | Overpelt | Peer Arondixhmint d' Tongue: Alken | Bilzen | Borgloon | Heers | Hestape | Hoeselt | Kortessem | Lanaken | Maasmechelen | Riemst | Tongue | Voeren | Wellen
Beldjike | Flande | Provinces