Andreas Cappelen | |
![]() | |
Statsborgarskap | Noreg |
Fødd | 31. januar 1915 Vang kommune |
Død |
2. september 2008 (93 år) |
Yrke | dommar, diplomat, politikar, advokat |
Politisk parti | Arbeidarpartiet |
Andreas Cappelen på Commons |
Andreas Zeier Cappelen (31. januar 1915–2. september 2008) var ein norsk politikar og jurist. Cappelen var statsråd i til saman nesten ti år.
Han vart statsråd for fyrste gong i 1958 då han vart kommunalminister i Regjeringa Gerhardsen III. 4. februar 1963 overtok han som finansminister og sat fram til regjeringa vart felt på Kings Bay-saka i 1963. Nokre veker seinare vart han på nytt finansminister i Einar Gerhardsen si fjerde regjering, ein post han hadde fram til 1965. Då Trygve Bratteli tok over som statsminister i 1971 etter Regjeringa Borten si oppløysing vart Cappelen utnemnd til utanriksminister. Han hadde denne posten fram til Folkeavrøystinga om EF i 1972. Cappelen kom attende og var justisminister i Odvar Nordli si regjering frå 1979 til 1980.
Andreas Cappelen hadde også ei lang yrkeskarriere som jurist. Blant anna var han statsadvokat for landssviksaker i Rogaland i tida 1947 - 1949. I 1967 vart han byrettsdommar i Stavanger, der han også vart byrettsjustitiarius i 1969.
Andreas Cappelen døydde den 2. september 2008 i Stavanger.