Oddvar Berrefjord | |||
Fødd | 20. mars 1918 Vardø kommune | ||
---|---|---|---|
Død | 25. november 1999 (81 år) | ||
Statsborgar av | Noreg | ||
Parti | Arbeidarpartiet | ||
Yrke | politikar, dommar | ||
Alle verv |
Oddvar Berrefjord (20. mars 1918–25. november 1999), fødd i Vardø, var ein norsk jurist og politikar frå Arbeiderpartiet.
Han var justisminister i to periodar – frå 1971 til 1972 i den første Bratteli-regjeringa, og frå 1980 til 1981 i Nordli-regjeringa. Han var vararepresentant til Stortinget frå Telemark 1965–1973.
Som lokalpolitikar var han medlem av kommunestyret i Skien 1945–1959 og 1963–1971, dei siste fire åra som varaordførar. Han var også fylkesordførar i Telemark i perioden 1967–1971. Han var formann i Telemark Arbeidarparti 1963-1968 og medlem av landsstyret i partiet 1963-1979. Han var Fylkesmann i Telemark frå 1976 til 1988.
Berrefjord tok juridisk embetseksamen i 1941 og deltok som dommar under landssvikoppgjeret. Seinare arbeidde han som politifullmektig og frå 1960 til 1967 som statsadvokat i Vestfold, Telemark og Aust-Agder. Han var lagdommar i Agder lagmannsrett 1967–1976.
Han var son til distriktssjef i Televerket Peder Marius Berrefjord (1890–1977) og Astrid Tharis (1892–1978).
Føregangar Olav Haukvik |
Fylkesmenn i Telemark 1976–1988 |
Etterfylgjar Kjell Bohlin |