Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Blankenburg is e verdwene dörp in de provincie Zuid-Holland, op wat noe 't groondgebeed vaan Rotterdam is. Blankenburg waor ietieds de hoofplaots vaan 't eiland Rozenburg, meh mós weure gesloop veur d'n aonlag vaan industriegebeed Botlek.
'ne Stijgende ziespiegel had 't gebeed um de Maosmoond in de middeliewe ummer mie oonder water gezat. Door ziech gestiedeg verbeterende poldertechnieke kóste väöl oonderluipende zandplate weer permanent weure druuggelag en veur landbouw en bewoening weure gebruuk. De slikplaat vaan Blankenburg woort roond 1600 druuggelag en astrein vereineg mèt kortbijgelege polders, boe-oonder Rozenburg. Blankenburg daank ziene naom woersjijnelek aon eine vaan zien ierste bewoeners, Willem Pietersz. Moerman. Deze Vlaomse boer neumde de polder nao Blankenberge, boe heer vaandan kaom.
In d'n iew dee volgde greujde Blankenburg oet tot 't centrum vaan 't eiland, mèt 'n kèrk, 'n sjaol en e rechhoes. In d'n eigeleke polder Rozenburg oontwikkelde ziech vaanaof de negentienden iew mèt en mèt e twiede dörp, iers De Buurt meh later gewoen 'Rozenburg' geneump. In Rozenburg laog en ligk de poont nao Maassluis, zoetot de rillatieven aofstand nao 't vasteland dao kleinder waor es in Blankenburg. Zoe verplaotsde ziech 't centrum vaan de activiteit nao 1900 ummer mie nao Rozenburg.
Ind jaore 1950 kaome planne tot oontwikkeling um de have vaan Rotterdam hendeg oet te breie. Heiveur mós neet allein väöl natuur en landbouwgroond verdwijne, ouch 't dörp Blankenburg stoont de planne in de weeg. In 1960 begós de staot de bewoeners oet te koupe, e perces wat in 1965 veerdeg waor. Toen begós me 't dörp te slope en de umgeving te vergrave. Op de plaots vaan 't dörp ligk noe globaol 't Huntsman-complex.
De naom Blankenburg leef wijer in de voetbalclub FC Blankenburg, die in Rozenburg zit.
Dit artikel is gebaseerd op 't corresponderend Nederlandstaoleg artikel, en wel in dees versie.
Rotterdam: Sjtadsdeile, opgelufde gemeintes en dörpsgemeinsjappe |
---|
Centrum (Cool) | Charlois (Heijplaat) | Delfshaven (Oud- en Nieuw-Mathenesse) | Feijenoord (Katendrecht) | Hillegersberg-Schiebroek (Hillegersberg · Schiebroek · Terbregge) | Hoek van Holland | Hoogvliet | IJsselmonde | Kralingen-Crooswijk (Kralingen) | Noord | Overschie | Pernis ('s-Gravenambacht) | Prins Alexander (Kralingse Veer) | Rozenburg (Blankenburg) |