Gebäörtenisse
- 7 jannewarie - President Harry Truman kondig aan dat de VS ein watersjtofbóm óntwikkeld haet.
- 13 jannewarie - Maarsjalk Tito wirt gekaoze tot president van Joegoslavië.
- 14 jannewarie - De Consumentebóndj wirt in Nederlandj opgerich.
- 20 jannewarie - Generaal Dwight D. Eisenhower lègk de eed aaf es 34e president van de Verenigde Sjtate.
- 31 jannewarie en 1 fibberwarie - Eine zjwaore noordwestersjtörm leët väol dieke braeke in de nach van 31 jannewarie op 1 fibberwarie, neet allein in Zuidwes-Nederlandj (zuug watersjnoad - 1835 doaje) mèr ouch in Belsj, Èngelandj en Noordwes-Duutsjlandj.
- 1 fibberwarie - Kees Broekman wirt in Hamar Europees sjaatskampioen.
- 18 fibberwarie - De Nederlandse minister van Watersjtaat Jacob Algera sjtèlt de Deltacommissie in, die maotregele mót veurbereije veur de versjterking van de Zeëuwse en Zuid-Hollesje kus.
- 6 miert - Naode doa van Jozef Stalin wirt Georgi Malenkov minister-president van de Sovjet-Unie; Kliment Vorosjilov wirt de nuje president.
- 12 miert - De watersjnoadwedsjtried in Paries. Deze voetbalwedsjtried, bedoeld es sjteun veur de sjlachoffersj van de watersjnoad en gesjpeeld in ’t Parc des Prince tösje ein Frans team en èlf - in 't boetelandj sjpelende - Nederlandse profvoetballers, kènt waere gezeen es de aanleijing veur de inveuring van 't betaald voetbal in Nederlandj dat in 1954 van sjtart ging. Nederlandj wón de wedsjtried mèt 1-2.
- 28 miert - Sjlotoetzending, rechsjtreeks vanoet 't Concertgeboew in Amsterdam, van 't radioprogram Beurzje aope, dieke toe. Presentator Johan Bodegraven kènt 6 miljoen göjje euverhanjige aan 't Rampefónds.
- 9 april - Josephine-Charlotte, prinses van Belsj, awtste dochter van keuning Leopold III, treujt in Luxemburg in 't huwelik mèt prins Jan van Luxemburg. Zie zulle d'r later de groat-hertoge waere.
- 13 april - Casino Royale, 't eësjte James Bond-verhaol wirt oetgebrach.
- 29 mei - Edmund Hillary en Tenzing Norgay bereike es eësjte de top van de Mount Everest.
- 30 mei - In 't blaad Nature make Francis Crick en James D. Watson hun óngerzeuk nao de sjtructuur van 't DNA bekènd.
- 2 juni - Elizabeth II van 't Verenigd Keuninkriek wirt gekroand in Westminster Abbey.
- 13 juni - Generaal Gustavo Rojas Pinilla vestigt in Colombia ein militaire dictatuur. Dees doert pes 1957.
- 19 juni - In de Sing Sing-gevangenis in New York waere Julius en Ethel Rosenberg geëlectrocuteerd waeges sjpionaag veur de Sovjet-Unie.
- 27 juli - Eine waopesjtilsjtand beëindigt de Korea-aorlog.
- 1 augustus - In Nederlandj mótte brómfitse vanaaf noe gebruukmake van 't fitsepaad.
- 19 augustus - Door de Verenigde Sjtate gesjteunde sjaatsgreep van generaal Zahedi in Iran.
- 31 oktober - De allereësjte televisieoetzending in Belsj door 't NIR.
- 10 december - De Nederlandse natuurkundige Frits Zernike óntvink de Nobelpries veur de Natuurkunde.
- 23 december - De gevreesde Politiechef van de Sovjet-Unie, Lavrenti Beria, kump in 't Kremlin op duustere meneer óm 't laeve.
- zónger datum
- In de loup van 1953 óntsjteit in Belsj de eësjte zelfhulpgroep van de Anonieme Alcoholiste in de Brusselse Marollen. In 2003 viert me 't vieftigjaorig besjtaon mèt meë es 500 groepe en ruum 10.000 leje.
- Aafsjaffing van 't Landsting in Denemarke.
- In Nederlandj wirt de oetgifte van kenteikes van motorrietuge euvergeheveld van de provincies nao 't Riek. 't Nationaal kènteike krit tweë lèttersj en tweëmaol tweë ciefersj.
- De Amerikaanse tespiloot Scott Crossfield vlug es eësjte tweëmaol zoa sjnel es 't geluid.
- In Rotterdam wirt, in de nog kale vlakte van 't gebómbardeerde sjtadshart, 't Groathanjelsgeboew van Huig Maaskantj in gebruuk genómme.
Nobelprieze
- Natuurkunde: Frits Zernike "um zien demonstratie vaan de fasecontrasmethode, in 't bezunder um zien oetvinding vaan de fasecontrasmicroscoop."
- Sjemie: Hermann Staudinger "um zien oontdèkkinge op 't gebeed vaan macromoleculair sjemie."
- Geneeskunde:
- Hans Adolf Krebs "um zien oontdèkking vaan de citroenzoercyclus."
- Fritz Albert Lipmann "um zien oontdèkking vaan co-enzym A en zie belaank veur intermediar metabolisme."
- Literatuur: Winston Churchill "um zien beheersing vaan de historische en biografische besjrieving zoewie um ziene briljante spreekstijl bij 't verdeidege vaan minseleke weerdes."
- Vrei: George Marshall, "algemein veurzitter vaan 't Amerikaans Roed Kruus, geweze staotssecretair vaan Defensie, aofgeveerdegde bij de Vereinegde Naties, opstèller vaan 't Marshallplan."
