Howard Carter, de óntdèkker van 't graaf van Toetankhamon.
1 jannewarie - De awtste voetbalclub van Nederlandj HFC sjpeelt eine nuujjaorswedsjtried taenge ein èlftal van awt-internationals. Deze match zal veurtaan jaorliks waere gehawwe.
10 jannewarie - Sjtart van 't Nederlandse Dada-tournee van Theo van Doesburg, Nelly van Moorsel, Vilmos Huszár en Kurt Schwitters biej de Haagsche Kunskrink in Den Haag.
22 jannewarie - Oprichting in Utrech van 't Verbóndj van Actualiste, de eësjte fascistische partiej in Nederlandj.
16 fibberwarie - Howard Carter äöpent 't graaf van farao Toetankhamon, dat gevöld bleek mèt sjatte.
miert - In Nederlandj versjient 't eësjte nummer van Opwaartsche Wegen, ein literair tiedsjrif op protesjtant-christelike gróndjsjlaag.
13 april - Kurt Schwitters hilt in de baovezaal van Hotel Phoenix in Drachte de lètste DaDa-biejeinkóms ter waereld.
15 april Ein jaor nao de óntdèkking kump insuline besjikbaar veur diabetici.
14 juni - De Bulgaarse politicus Alexander Stamboeliski wirt vermaord door de Macedonische revolutionair organisatie IMRO.
8 juli - Oprichting van de Hilversumsche Draadlooze Omroep.
13 juli - In de heuvele baove Los Angeles waere de vieftieën maeter hoag lèttesj 'Hollywoodland' geplaatsj. Dees reclame-uting van eine projectóntwikkelaer greujt oet tot ein symbool veur de glamoursjtad Hollywood. Eindj jaore 40 verdwiene de lètste veer lètters.
11 augustus - De Nederlandse minister van financiën Dirk Jan de Geer treujt aaf ómdat hae de Vlootwèt neet veur zien raekening wilt numme.
13 augustus - 't Drentse dörp Dwingeloo wirt getróffe door eine groate brandj. De vieftieënde eëuwse Sint-Nicolaaskirk, de synagoge, eine herberg, ein sjmederiej en neuge weuninge gaon in vlamme op.
1 september - Tokio wirt getróffe door ein heël zjwaore aardbaeving mèt ein krach van 8,2 op de sjaal van Richter. D'r valle meë es 140.000 doaje.
1 september - Äöpening van 't eësjte Academische jaor van de Katholieke Universiteit Nijmege, noe Radboud Universiteit Nijmege. 80 Sjtudente van goje katholieke achtergróndj höbbe zich aangemeld.
In Sjpanje pleeg commandant Miguel Primo de Rivera eine coup same mèt ènnige medeoffesere.
15 oktober - Äöpening van de tentoansjtèlling Les Architectes du Groupe “de Styl” van o.a. Theo van Doesburg en Cor van Eesteren in Paries.
Hyperinflatie in Duutsjland es gevolg van de Eësjte Waereldaorlog. 't Waertloaze geldj wirt gesaneerd door de regering en daoveur kump de Rentenmark in de plaatsj. Hiejrnao keërt de rös (veurluipig) truk.
zónger datum
't Belzje parlemènt nump de wèt-Nolf aan, wobiej de Universiteit Gent tweëtalig wirt gemaak.
De Marokkaanse sjtad Tanger krit eine internationale en neutrale sjtatus.
Door de óngerteikening van de Jachwèt verdwiene in Nederlandj de lètste heërlike rechte, namelik 't jach- en vösjrech.
Carl Jung verklaort zien theorieje euver extraverte en introverte en breijt later zien werk oet veur 't besjtudere van de invloed van de cultuur op 't individu.
Nobelprieze
Natuurkunde: Robert Andrews Millikan "um zien werk aon de elementair laojing vaan èllentrik en aon 't foto-èllentrik effek."
Sjemie: Fritz Pregl "um zien oetvinding vaan de methode vaan micro-analyse vaan organische materiaole."
Geneeskunde: Frederick Grant Banting en John James Rickard Macleod "um de oontdèkking vaan insuline."
Literatuur: William Butler Yeats "veur zien ummer geïnspireerde poëzie, die in hoegs artistieke vörm oetdrökking verlient aon de geis vaan 'n ganse natie."
Vrei: neet touwgekind
Gebore
Henry Kissinger, gebaore op 27 mei 1923.
1 jannewarie - Milt Jackson, Amerikaanse jazzmuzikant (gesjtorve 1999)