![]() |
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
Anna Moes | |
---|---|
Gebuer | 27. Oktober 1832 |
Gestuerwen | 24. Februar 1895 |
Aktivitéit | Nonn |
![]() |
D'Anna Moes, mam Ordinatsnumm Maria Dominika Klara vom hl. Kreuz, och bekannt ënner dem ironesche Spëtznumm Klara Wupp,[1] gebuer de 27. Oktober 1832 zu Bous am Kanton Réimech, a gestuerwen de 24. Februar 1895 um Lampertsbierg (Stad Lëtzebuerg), war eng lëtzebuergesch Nonn a Priorin vum Dominikanerinneklouschter um Lampertsbierg.
D'Anna Moes soll schonn an hirer fréier Jugend Visioune gehat hunn. Si huet sech dofir agesat, datt den Dominikaneruerden zu Lëtzebuerg nees opgebaut sollt ginn. Si huet d'Dominikanerinneklouschter um Lampersbierg gestëft,[2] deem seng Priorin se gouf, a spéider och dat vu Clairefontaine.
Si hat mat Stigmatisatioun fir grouss Opreegung gesuergt a bei dem spéidere Bëschof Jean Joseph Koppes groussen Androck hannerlooss, soudatt deen, nodeem en zu Roum de 4. November 1883 zum Bëschof geweit gouf, a sengem Heemechtsland net vun alle mat oppenen Äerm empfaange gouf.