Lingua Iudaeo-Germanica (ייִדיש YIDISh, Jiddisch, Yiddish) est lingua quae Iudaei Aschenez mediae et orientalis Europae usque a medio aevo loquuntur. Quae lingua primo a Germanica medaevali deducta etiam aliquantum sermonibus Semiticis, Slavicis, Romanicis imbuta est. Itaque simpliciter dici potest linguam Iudaeo-Germanicam esse instar linguae Theodiscae litteris Hebraicis scriptae, nonnullis vocabulis Hebraicis admixtis.

Nomen

Nomen optimum Latinum esse videtur lingua Iudaeo-Germanica. Accuratius quidem Iudaeo-Theodisca dici potest, sed multo minus simpliciter et facile. Sunt, qui "linguam Iiddicam" dicant, sed lingua Latina litteram /i/ simplicem praeferre litterarum /ji/ combinationi videtur. Constat nomen YIDISh nihil aliud esse nisi adiectivum Iudaeo-Germanicum 'Iudaicum' significans. Licet igitur locis certis dicere "linguam Iudaicam", dummodo, quae lingua Iudaica indicetur, e contextu rerum pateat.

Loci

• Iohannis Buxtorfi. 1615 Thesaurus grammaticus linguae sanctae hebraeae . . . Lectionis Hebraeo-Germanicae usus & exercitatio (in titulo).
• Francisci Haselbauer. 1742. Fundamenta grammatica duarum praecipuarum linguarum Orientalium, scilicet: Hebraicae, et Chaldaicae; cum appendice de idiotismo Germanico Judaeorum.
• Sauli Chajes. 1933. Thesaurus pseudonymorum quae in litteratura hebraica et judaeo-germanica inveniuntur.
• Bibliotheca Augustana. Ca. 1996. Bibliotheca Iiddica.

Nexus interni

• Isaac Bashevis Singer

Nexus externi

• Di Velt fun Yidish: Audio Stories
• Bibliotheca Iiddica
• Porta linguae Iudaeo-Germanicae apud Vicipaediam Polonicam

Vicipaedia in Lingua Iudaeo-Germanica