Gulielmus (vulgo Bill[1]) Labov (natus Rutherford in vico Novae Caesareae die 4 Decembris 1927) est linguista Americanus qui conditor disciplinae sociolinguisticae variationisticae late habetur.[2] Descriptus est "persona propria et auctoritate gravis praeter modum, qui multum methodologiae excogitavit" sociolinguisticae.[3][4] Nunc professor emeritus in ordine linguisticarum Universitatis Pennsylvaniensis investigationes sociolinguisticae, mutationis linguisticae, et dialectologiae administrat. Se ab officio vere anni 2014 exeunte removit.

Gradus academicos in Collegio Harvardiano (Artium Baccalaureatus, 1948) atque Universitate Columbiae (Artium Magister, 1963, et Philosophiae Doctor, 1964) meruit. In Universitate Columbiae (1964–70) docebat antequam professor linguisticae in Universitate Pennsylvaniensi creatus est (1971). Anno 1985, diploma honoris causa ex Ordine Humanitatum Universitatis Upsaliensis in Suecia accepit.[5]

Gillian Sankoff sociolinguistam anno 1993 duxit.[6] Antea Teresam Gnasso sociolinguistam duxerat.

Nexus interni

Notae

  1. ↑ Macaulay 2009: vii.
  2. ↑ In primo capitulo libri The Handbook of Language Variation and Change (ed. Chambers et al., Blackwell, 2002), J. K. Chambers Anglice scribit "variationist sociolinguistics had its effective beginnings only in 1963, the year in which William Labov presented the first sociolinguistic research report"; praeterea, dedicatoria huius libri pagina confirmat notiones Labovianas "omnem paginam imbuere" (Anglice "imbue every page").
  3. ↑ Anglice "an enormously original and influential figure who has created much of the methodology."
  4. ↑ Trask 1997: 124.
  5. ↑ Doctoratus honoris causa, apud situm www.uu.se.
  6. ↑ Meyerhoff et Nagy 2008: 21.

Bibliographia

Nexus externi

Categoriae