Dialectologia (Graece διάλεκτος 'sermo' + -λογία 'studium') est scientificum dialectorum linguisticarum studium, pars sociolinguisticae. Quae variationes linguae investigat, praecipue per distributionem geographicam proprietatesque consociatas. Inter res quas dialectologia tractat sunt deflectio binarum dialectorum a maioribus communibus et variatio synchronica. Dialectologi ad ultimum in proprietatibus grammaticis, lexicis, phonologicis versantur quae in regionibus congruunt. Ioannes Kurath et Gulielmus Labov inter investigatores dialectologiae praeclaros sunt.