Amir Hamzah | |
---|---|
![]() Amir Hamzah | |
Rerincèn dhiri | |
Lair | Tanjung Pura | 12 Fèbruari 1911
Bangsa | Indonésia |
Agama | Islam |
Tengku Amir Hamzah ingkang gadhah nama jangkep Tengku Amir Hamzah Pangèran Indera Putera (lair ing Tanjung Pura, Langkat, Sumatera wétan, 28 Fèbruari 1911 – pati ing Kuala Begumit, 20 Maret 1946 ing umur 35 taun) inggih punika sastrawan Indonèsia saking angkatan Pujangga Baru.[1] Amir Hamzah lair wonten ing lingkungan kulawarga saking bangsawan Malayu (Kesultanan Langkat) lan berkècimpung wonten donya sastra lan kabudayan Malayu.[1] Amir Hamzah sekolah lan manggon wonten ing Pulau Jawa nalikanè owahan kemerdèkaan lan rasa kebangsaan Indonésia bangkit.[2] Amir Hamzah kathah nyinaoni babagan kabudayan modhèren, kabudayan Jawa, lan kabudayan Asia ingkang sanèsipun.[2] Wonten ing kumpulan sajak Buah Rindu (1941) ingkang dipunserat watawis taun 1928 ngantos taun 1935 saged dipuntingal owahan lirik pantun lan gurit Malayu tunuju sajak ingkang langkung modhèren.[3] Sareng kaliyan Sutan Takdir Alisjahbana lan Armijn Pané Panjengenganipun ngedegaken kalawarta Pujangga Baru (1933), ingkang salajengipun déning H.B. Jassin dipunanggep dados tonggak jumenengipun angkatan sastrawan Pujangga Baru.[2] Kumpulan gurit karyaipun Amir Hamzah ingkang sanèsipun inggih punika Nyanyi Sunyi (1937), uga dipundadosaken kanggé bahan rujukan klasik kesusastraan Indonèsia.[3] Amir Hamzah ngadahi karya-karya pertalan kados ta Setanggi Timur (1939), Bagawat Gita (1933), dan Syirul Asyar (tt.).[4] Amir Hamzah boten namung dados juru gurit ageng wonten jaman Pujangga Baru, nanging uga dados juru gurit ingkang kemampuanipun babagan basa Malayu-Indonésia ingkang dipunakui ngantos dumugi sapunika.[3] Amir Hamzah tilar donya nalika Revolusi Sosial Sumatera Wétan ingkang wonten pasisir Sumatra iring wétan wonten awal taun nalikanipun Indonèsia merdèka.[5] Amir Hamzah Sèda wonten ing Kuala Begumit lan kasarékaken wonten pasarean Masjid Azizi, Tanjung Pura, Langkat. Amir Hanzah sesampunipun sèda dipunangkat dados Pahlawan Nasional Indonésia.[5]