Danaw Paoay | |
---|---|
Lokasion | Ilocos Norte, Luzon |
Nagsasabtan | 18°7′12″N 120°32′22″E / 18.12000°N 120.53944°ENagsasabtan: 18°7′12″N 120°32′22″E / 18.12000°N 120.53944°E |
Kita | danaw |
Pagpagilian ti labneng | Filipinas |
Kalawa ti rabaw | 3.86 km2 (1.49 sq mi) |
Agpakatengnga a kaadalem | 6 m (20 ft) |
Kaadaleman | 10 m (33 ft) |
Kangato ti rabaw | baba ti pantar ti baybay |
Dagiti pagtaengan | Paoay |
Ti Danaw Paoay, lokal nga ammo a kas Dakkel a Danum[1], ket ti maysa a danaw iti ili ti Paoay iti amianan-akinlaud a Luzon iti Filipinas. Daytoy ti kadakkelan a danaw iti probinsia ti Ilocos Norte ken maysa kadagiti kadakkelan a masna a danaw iti lugar.
Naipakasaritaan nga ammo kas Lago de Nanguyudan,[2] ti danaw ket isu kano idi ti lugar ti narang-ay a baranggay a tinawtawagan iti San Juan de Sahagún (San Juan ti Sahagún) a limned kalpasan ti masya a gingined.[3] Ti danaw ti nasadiwa a danum ken dagiti 1-kilometro (0.62 mi) a kaarrubayanna ken nairangarang idi a maysa nailian a parke idi 1969 babaen ti birtud ti Tignay ti Republika 5631.[4] Idi 1978, babaen ti Presidential Decree 1554, naipabassit ti kalawa ti parke iti 340 nga ektaria (3.4 km2) a naikonsentrado laeng iti danaw iti kangatuan a pantar ti danumna.[5]
Ti danaw ket sakupenna ti kalawa ti rabaw iti 386 ektaria (3.86 km2) nga addan iti maysa nga agpakatengnga a kaadalem iti 6 a metro (20 ft).[6] Daytoy ket beddengan babaen dagiti baranggay ti Suba iti amianan, ti Nanguyudan iti amianan a daya, ti Pasil iti daya, ti Sungadan iti abagatan, ken ti Nagbacalan iti laud iti asideg ti pagbeddengan ti siudad ti Laoag ken agarup a 3 kilometro (1.9 mi) a kaadayo manipud iti baybay. Daytoy ket nabukel a kas resulta ti progradasion ti aplaya ken ti nagtungpalan ti panagrang-ay ti bangen ti karuburuban ti darat idi las-ud ti naladaw a Paset ti panawen ti Kuatenario.[7] Ti danaw ket awanan kadagiti tributario. Kaaduan iti taudan ti danum ti danaw ket dagiti danum manipud iti sirok ti daga ken dagiti agayus a danum manipud kadagiti nakapalikmut a turod iti las-ud ti tiempo ti panagtutudo.[8]
Ti danaw ket pagyanan babaen dagiti phytoplankton, dagiti mula ti danum ken zooplankton a mangiraman kadagiti 8 a sebbangan dagiti copepoda, dagiti 8 a sebbangan dagiti cladoceran ken dagiti 11 a sebbangan ti rotifera. Dagiti mabirukan nga ikan ket mairaman ti tilapia, paltat ken channa striata. Adda pay dagiti mula ti danum a mabirukan iti danaw a kas ti balangeg, water hyacinth, tape grass ken ipus ti pusa (Dysophylla auricularia).
Kadagiti bakras iti likmut ken iti ngato ti danaw ket agtubo dagiti ipil-ipil, akasia, gmelina ken dagiti mula a banaba. Ti parke ket pagtaengan pay dagiti sebbangan ti avifauna a kas ti nakuelioan iti puraw a salaksak, brahminy kite, ken ti pato ti Filipinas, ken mairaman dagiti umakar iti pagtaengan a billit a kas ti kolor dapo a teggaak, osprey, ken ti nalatak a kannaway.[6][8]
Nangruna | |
---|---|
Bassit |
|
Artipisial |
|