Danaw Tikub | |
---|---|
Lokasion | Luzon |
Nagsasabtan | 13°57′46″N 121°18′23″E / 13.96278°N 121.30639°ENagsasabtan: 13°57′46″N 121°18′23″E / 13.96278°N 121.30639°E |
Kita |
|
Kadakkelan a kaatiddog | 0.82 kilometro (0.51 mi) |
Kadakkelan a kaakaba | 0.73 kilometro (0.45 mi) |
Kalawa ti rabaw | 120 ektaria (300 acre) |
Kaadaleman | 75 metro (246 ft)[1] |
Kangato ti rabaw | 97 metro (318 ft)[2] |
Dagiti pagtaengan | Tiaong |
Ti Danaw Tikub (ammo pay a kas Danaw Ticub,[3] Danaw Ticob,[4] Danaw Tikob[5] wenno Danaw Ticab[6]) ket ti gangani nga agtimbukel nga abut ti bulkan a danaw a mabirukan iti probinsia ti Quezon, iti Filipinas. Naipangato ti sirkumperensia ti danaw ken nasamek kadagiti mula a napdsok nga agpababa iti danaw. Mabirukan ti danaw iti sakaanan iti Bantay Malepunyo, ken iti asideg a Bantay Banahaw, iiti Brgy. Ayusan, iti ili ti Tiaong. Ti sumrekan iti danaw ket babaen ti Brgy. San Pedro.[3]
Ti Danaw Tikub ket maysa a maar wenno abbaa ti bariweswesna a bulkan a napartuat babaen ti preatomagmatiko a panagbettak wenno ti interaksion a pagbaetan ti danum iti sirok ken ti magma iti sirok ti rabaw ti Daga. Kas met dagiti pito a danaw iti siudad ti San Pablo, Laguna, nga agarup a 15 kilometro (9.3 mi) iti kaadayo, ti danaw ket maysa kadagiti monohenetiko a bulkan a mabirukan iti Bulkaniko a lugar ti Abagatan akinlaud a Luzon.[7]