Nailian a Parke ti Kuapnit Balinsasayao | |
---|---|
Kategoria V ti IUCN (nasalakniban a ladawan ti daga/ladawan ti baybay) | |
Lokasion | Leyte, Filipinas |
Kaasitgan a siudad | Tacloban, Leyte, Filipinas |
Nagsasabtan | 10°42′N 124°59′E / 10.700°N 124.983°ENagsasabtan: 10°42′N 124°59′E / 10.700°N 124.983°E |
Kalawa | 364 nga ektaria (900 acre) |
Nabangon | Abril 16, 1937 |
Mangituray a bagi | Departamento ti Enbironmento ken dagiti Masna a Rekurso |
Ti Nailian a Parke ti Kuapnit Balinsasayao ket nasalakniban a lugar iti Filipinas a mabirukan kadagiti ili ti Abuyog ken Baybay idiay Leyte, Daya a Visayas. Ti parke ket sakupenna ti kalawa iti 364 nga ektaria[1] iti nauneg nga ayan ti kabanbantayan a kabakiran ti Isla ti Leyte iti 60 a kilometro iti abagatan ti Tacloban babaen ti Kalsada Maharlika. Daytoy ket nairangarang a nailian a parke idi 1937 babaen ti Proklamasion Blng. 142.[2]
Ti Nailian a Parke ti Kuapnit Balinsasayao ket naisanglad idiay akin-abagatan a punto ti Kabambantayan Anonang-Lobi a gumay-at iti amianan agingana iti abagatan babaen ti lumaud a Leyte. Daytoy a kabambantayan ket buklenna ti kangatuan a pantok ti Isla ti Leyte a mairaman ti Bantay Burauen Graben, Bantay Camaiyak ken Banaty Lobi, ti kangatuan ket iti 1,346 m. Ti Bantay Maganjan iti 754 m. ket isu ti kalatakan a pantok nga asideg iti parke.[3]
Ti parke ket kaaduan a naabongan babaen ti daan a tubo ti bakir. Daytoy ket pagtaengan ti tallo a sebbangan ti billit nga endemiko iti rehion ti Daya a Visayas, ti Kalaw ti Samar, Akaba a sippit ti Visaya, ken ti Duyaw barukong a Mannait a billit. Ti ugsa ti Filipinas, natukaktukat a baboy ti Filipinas ken ti Tarsier ket mabirukanda pay ditoy.[4]