Fina Calleja | |
---|---|
Nacionalidade | España |
Ocupación | actriz |
[ editar datos en Wikidata ] | |
Fina Calleja é unha actriz galega de teatro e televisión.
Estudou na Real Escola de Arte Dramática e Danza de Madrid, e é licenciada en Ciencias da Información pola Universidade Complutense. Durante anos combinou a actividade escénica con diversos traballos nos medios de comunicación. É membro da compañía Sarabela Teatro desde 1998. Dirixiu o seu interese cara ao mundo da interpretación e as áreas de voz e dramaturxia. É actriz e docente na aula de Teatro Universitaria de Ourense, e asume, no marco de Sarabela Teatro, as responsabilidades de distribuidora e produtora artística.[1]
Recibiu o premio María Casares ao mellor texto adaptado polas versións teatrais de O lapis do carpinteiro e Segismunda, compartido con Ánxeles Cuña Bóveda e Begoña Muñoz. Interveu como actriz en varias series de televisión e creou e dirixiu Cristóbal e o libro das marabillas, espectáculo infantil de Sarabela Teatro.[1]