O lapis do carpinteiro | |
---|---|
Castelo de San Antón, na Coruña. Un dos principais lugares onde se desenvolve a trama. | |
Título orixinal | O lapis do carpinteiro |
Autor/a | Manuel Rivas |
Ilustrador/a | Xosé L. de Dios |
Cuberta | Miguel Vigo |
Orixe | Galiza |
Lingua | Galego |
Colección | Narrativa |
Tema(s) | Historia de amor en tempos de guerra |
Xénero(s) | Narrativa |
Editorial | Edicións Xerais de Galicia |
Data de pub. | 1998 |
Formato | 14,60 x 22,10 |
Páxinas | 148 |
ISBN | ISBN 84-8302-261-3 |
[ editar datos en Wikidata ] |
O lapis do carpinteiro é unha novela do escritor galego Manuel Rivas, publicada en 1998 en galego por Edicións Xerais.
No cárcere de Santiago de Compostela, en plena Guerra Civil, un pintor debuxa o Pórtico da Gloria cun lapis de carpinteiro, reflectindo os rostros e a desesperación dos seus compañeiros de presidio. O gardián Herbal, o seu futuro asasino, obsérvao todo. A partir desta escena, o Lapis de Manuel Rivas conta unha historia onde o amor entre o médico republicano Daniel da Barca e Marisa Mallo logra gañar á desesperación.
Parte do argumento esta baseado nas historias do debuxante Camilo Díaz Baliño e do médico Francisco Comesaña Rendo e a súa muller Ascensión Concheiro García.
A película baseada no libro, dirixida por Antón Reixa e protagonizada por Tristán Ulloa, María Adánez e Luís Tosar foi estreada en 2003 e seleccionada para presentarse nos Premios Goya da Academia Española do Cine. A Película foi gañadora do Premio Mestre Mateo á mellor longametraxe, e algúns dos seus protagonistas como Luís Tosar e María Pujalte recibiron os Premios Mestre Mateo 2003 á mellor interpretación masculina e á mellor actriz secundaria.[1]
Tamén foi adaptada ao teatro polo grupo Sarabela que a estreou en Ourense no ano 2000[2], e que continuaron cunha exitosa xira por toda Galicia[3] e fóra dela, superando os 25.000 espectadores, e pola que recibiron 8 Premios María Casares.
O lapis do carpinteiro é a obra en galego máis traducida do país[4].
Ao castelán[5] e ao neerlandés[6] en 1998; ao alemán[7], francés[8], italiano[9] e portugués[10] en 2000; ao inglés[11], finlandés, árabe[12] e turco[13] en 2001; ao brasileiro[14], polaco[15] e grego en 2002; ao catalán[16], noruegués e inglés (para os Estados Unidos[17] en 2003; ao ruso[18] en 2004; ao hebreo en 2005, ao esloveno[19] en 2006; ao búlgaro en 2009[20] e 2010[21]; ao serbio[22] e ao romanés[23] en 2011; ao coreano en 2013[24]; e ao húngaro en 2021[25].
A obra foi premiada cos seguinte premios:
Segundo Edicións Xerais, con motivo da publicación neste ano dunha edición especial d' O Lapis do carpinteiro (Edición XXV aniversario)
O lapis do carpinteiro de Manuel Rivas é a novela galega contemporánea máis apoiada polos lectores. Publicada en 1998, dende entón, conta con dezanove edicións e case setenta mil exemplares vendidos en lingua galega, ademais de constituír a obra máis traducida da literatura galega[26]
O DVD ten a opción de ver a película comentada por Antón Reixa e Manolo Rivas. Nunha das escenas, preto da Torre de Hércules, Manolo Rivas fai o papel dun preso que é fusilado.