Manetón denomínao Usafais, segundo Xulio Africano e Eusebio de Cesarea e atribúenlle 20 anos de reinado. Aínda que Kaplony cre que puido chegar ata 45 anos.
A Pedra de Palermo menciona que baixo o seu reinado houbo un empadroamento xeral do país e numerosas festas relixiosas.
Do mesmo xeito que os seus predecesores realizou numerosas expedicións bélicas, especificamente contra as tribos nómades do Sinaí.
Atopáronse numerosos obxectos na súa tumba, incluíndo unha tablilla onde aparece cumprindo ritos relixiosos destinados a repetir a coroación, Heb Sed, e xa que logo, renovar o poder real.
Dreyer atopou na tumba T de Umm el-Qaab, Abidos, unha inscrición cos nomes de Narmer, Aha, Djer, Djet, Den e Meit-Neit, e nesa orde, confirmando a nomenclatura e sucesión destes faraóns.
Son asignadas a Den tres edificacións en Saqqara e unha en Abidos.
A tumba 3035, a maior tumba real datada no período predinástico.
A tumba 3036, posibelmente a dunha raíña.
A tumba 3506.
A tumba T, onde foi enterrado, na necrópole de Umm el-Qaab, en Abidos. O chan da súa tumba está pavimentado con granito vermello, sendo a primeira vez en Exipto que esta dura pedra úsase como material de edificación.