Esta páxina é para conversar en exclusiva sobre a Portada. (This page is for discussing the Main Page only.) Por favor, vexa A Taberna para outros temas de debate diferentes aos referidos á Portada. (Please see A Taberna for discussion of topics other than the Main Page.)
Onde pon: 1848, nace Joris-Karl Huysmans, novelistas parisiense. debería pór: 1848, nace Joris-Karl Huysmans, novelista parisiense. 5 de febreiro de 2019 ás 07:34 (UTC)Lles (conversa)
Boas, nas efemérides de hoxe só achei :Nacemento 1931 - Toni Morrison, escritora estadounidense. Como está a foto alí, penso que xa debeu estar con foto aquí noutra ocasión, pero non estou segura. Se é así habería que buscar mulleres relevantes para a data de hoxe, teño entendido que as efemerides van rotando de ano en ano. Un saúdo. Maria zaos (conversa) 18 de febreiro de 2019 ás 08:59 (UTC)[responder]
Solucionado. Grazas, Lles. De todos modos, con vistas a futuras cuestións similares, non é algo que se deba solucionar na portada (espello de múltiples seccións) senón na efeméride específica. Así pois, neste caso a páxina de conversa onde dar o aviso sería Conversa Wikipedia:Efemérides destacadas/21 de febreiro. --Atobar(conversa comigo)21 de febreiro de 2019 ás 12:42 (UTC)[responder]
sección "Tal día como hoxe no ano...": Mariano Rajoy.[editar a fonte]
Habería que indicar que foi Presidente do Goberno de España, o cargo mais alto que acadou. —o anterior comentario sen asinar foi feito por 85.91.85.225 (conversa • contribucións)
Eu entendo que (o uso de maiúsculas vén por influencia do inglés). Agora ben, ao longo da miña vida teño visto diferentes criterios para o uso de maiúsculas segundo o manual de estilo da institución correspondente, polo que xa me perdo. Igual Usuario:Atobar pode axudar?. Se non, a maioría están como ti dis, Elisardojm; sería cambiar este e outros que quedaran soltos por aí. Graciñas! Maria zaos (conversa) 2 de abril de 2019 ás 08:44 (UTC)[responder]
Tamén acabo de atopar Categoría:Días oficiais internacionais, e a maioría usan maiúsculas, o que xa non sei é están ben así ou hai que amañalos... De uso de maiúsculas sabe moito Isili0n, pero xa hai tempo que non vexo as súas edicións... Saúdos, --Elisardojm (conversa) 2 de abril de 2019 ás 08:47 (UTC)[responder]
Ups (! Cambiei só dous polo momento). No portal das palabras tampouco queda claro. Ver [1] e [2]. Na RAG os adxectivos tamén van en maiúscula, ver: Día Internacional do Arquivo, das Letras Galegas etc. Agardo un pouco polo si ou polo non. Maria zaos (conversa) 2 de abril de 2019 ás 09:32 (UTC)[responder]
Ola, Maria. É certo: conviña fixar un criterio único co fin de unificar estes casos; facelo, pois, a partir da referencia que xerarquicamente sexa máis potente. Unha posibilidade que poño sobre a mesa é a Ortografía da lingua galega de Begoña González Rei (Galinova, 2004) [3]. Persoalmente, dáme a impresión de que debería ser Día Internacional do Libro Blablabá, Día da Nai, Día dos Cans Ceibos... Pero efectivamente depende do manual que cadaquén follee (as ligazóns que achegas son boa mostra). Como ti mesma sinalas, nin sequera o Portal das Palabras nos dá sacado da dúbida de inicio, e contradise. Eu estes días estou fóra, con acceso moi limitado. A partir do vindeiro luns xa estarei de novo dispoñible para mirar que di ao respecto a tal ortografía, a non ser que antes vós xa deades con algo ben explicado, claro e contundente. Saúde! --Atobar(conversa comigo)2 de abril de 2019 ás 16:11 (UTC)[responder]
@Maria zaos: Copio directamente da Ortografía da lingua galega de Begoña González Rei (Galinova, 2004) p. 254: epígrafe Maiúsculas e minúsculas. 17. Divisións temporais e festividades. 1 Leva maiúscula inicial e mais en todos os substantivos e adxectivos o nome das festividades, relixiosas e civís, estatais e populares: Pentecostés, Epifanía, Nadal, Corpus, Venres Santo, a noite de San Xoán, Día da Constitución, Día da Independencia, Día da Patria Galega.
Como dixen no meu comentario anterior, este libro é completísimo. Só para o uso de maiúsculas, abrangue da páxina 224 a 263. En fin, a falta dunha referencia xerarquicamente superior, agora cómpre unificar consonte o dito. --Atobar(conversa comigo)7 de abril de 2019 ás 23:01 (UTC)[responder]
Moitas grazas, Atobar. Se non hai discusión por parte do resto da xente en canto á xerarquía desta referencia (eu abstéñome, a verdade é que non é o meu campo,pero semella completa,abofé) póñome na lista de tarefas unificar os días todos. Pregunta, entendo que as redireccións (de minúsculas a maíusculas) non serían necesarias, non? Saúdos Maria zaos (conversa) 7 de abril de 2019 ás 23:07 (UTC)[responder]
┌────────────────────────────────────────────────────────────────────────────────────────────────────┘Eu penso que as redireccións desde as versións en minúsculas tamén son moi necesarias, para evitar que acabe habendo, noutros artigos, ligazóns internas vermellas a artigos existentes [ai que ter en conta que non hai constancia clara de que, segundo a autoridade (RAG), sexan formas incorrectas]. --. HombreDHojalata.conversa8 de abril de 2019 ás 07:12 (UTC)[responder]
Son bos argumentos, sobre todo o tema páctico das ligazóns vermellas, no que non reparara (aínda que xa pasou xustamente neste caso). Manteño/creo as redireccións,logo. Ou --HdH estás en contra do documento que usaríamos para suplir ao DRAG neste caso concreto?.-- Maria zaos (conversa) 8 de abril de 2019 ás 08:41 (UTC)[responder]
Propoño cambiar "1872, morre Juana de Vega, escritora galega e muller do xeneral Francisco Espoz y Mina." por "1872, morre a escritora galega Juana de Vega" . Lles (conversa) 22 de xuño de 2019 ás 13:25 (UTC)[responder]
No texto "Do 1 de agosto ó 31 de outubro participa no concurso fotográfico da Galipedia. Fai fotos de parroquias que non teñen imaxe, colabora coa Galipedia e consegue agasallos!" onde pon "consegue" debería pór "consigue". Lles (conversa) 1 de xullo de 2019 ás 06:34 (UTC)[responder]
Sal é masculino en todas as súas acepcións segundo o DRAG. Corrixín moitos xéneros no artigo, pero na portada aparecen "das sales quimicas" e "extraer as sales". Tamén no primeiro parágrafo hai unha referencia á salinidade da auga do mar e di "estes posúan", cando debería ser "esta posúe".--Miguelferig (conversa) 29 de febreiro de 2020 ás 20:13 (UTC)[responder]
Ola, Miguelferig ! Graciñas polo aviso. Levába a unha páxina de homónimos e non tiña moito sentido,si. A relación é con Marcelle Natureza,xa que é o lugar onde se tomou a foto. Polo momento ligueina con esa entrada, pero se queres suxerir outra, adiante. Eu de zooloxía controlo pouco, así que para saír do paso optei polo seguro, pero pódese cambiar a ligazón por outra máis acaída. Saúdos.--Maria zaos (conversa) 6 de agosto de 2020 ás 11:18 (UTC)[responder]
Graciñas polos cambios en Marcelle Netureza. Tentei atopar referencias para mellorar o artigo, pero fóra da súa web é complicado. É por isto que mudei o pé de foto e ligazón a elán común e Taurotragus oryx. Se hai algo incorrecto, por favor, indícamo, Miguelferig. Graciñas de novo!.--Maria zaos (conversa) 6 de agosto de 2020 ás 11:38 (UTC)[responder]
Portada 15 / XI / 2020, Sección "Tal día como hoxe": 1º MicroProcesador da Historia[editar a fonte]
Boas, indícase que Intel creou o 1º microprocesador da historia, nembargantes ao acceder a páxina do microprocesador di o seguinte:
"Entre 1968 e 1970 foi deseñado o Central Air Data Computer, un sistema integrado de control de voo. Este sistema empregaba un chipset denominado MP944, que se converteu no primeiro microprocesador da historia.".
Logo fala de Intel, pero aparentemente un ano antes apareceu o verdadeiramente 1º "micro". Saúdos. —o anterior comentario sen asinar foi feito por 85.91.85.249 (conversa • contribucións)
A imaxe da ave petroleada indica que se atopou nunha praida "do Grove", có artigo contraído.
O nome do concello é "O Grove", co artigo, polo que entendo que o texto correcto sería "de O Grove".
Ola. Hai que cambiar o texto da imaxe do día venres 28 de maio. Onde pon furna hai que poñer urna. Furna é unha cova, normalmente no litoral mariño. Non é urna, palabra, por outra parte, que non tiña efe en latín (urnam).--Miguelferig (conversa) 28 de maio de 2021 ás 20:26 (UTC)[responder]
Boa tarde. Gustaría de solicita-la axuda de alguén. Acabei de facer unhas modificacións no artigo Tankōbon, que é un volume de compilacións dunha serie de mangas (ou de outros escritos) no Xapón. Inserín unha ligazón noutro idioma que acabou sendo revertida, cousa que podo comprender perfectamente, mais unha ligazón que dirixía a unha páxina da propia Galipedia tamén o foi!
No segundo parágrafo do artigo en cuestión lese: "Polo regular, os mangas son publicados por primeira vez en revistas de antoloxías de tirada semanal ou mensual (coma Afternoon, Shounen Jump, Hana to Yume)." Están amentadas tres desas antoloxías, a primeira (Afternoon) cunha ligazón da Galipedia, a segunda non. Eu tentei inseri-la ligazón correspondente, que se chama Shūkan Shōnen Jump en galego, e alguén desfíxome esa acción. Houben de pensar que estaba no erro, mais non hai erro ningún: confirmeino ó contrasta-las Wikipedias en portugués, asturiano, castelán e catalán. Todas elas amentan a mesma antoloxía, e case todas (só non a asturiana) fan a ligazón. Por favor, algún de vostedes poderíame restabelece-la ligazón ou polo menos contacta-la persoa que a desfixo? --RichardAerts01 (conversa) 28 de xullo de 2021 ás 18:01 (UTC)[responder]
Boas, ao tratar de entrar en 'https://galipedia.gal' ou en 'https://www.galipedia.gal' entra nunha páxina distinta que tamén se indentifica como a GaliPedia, pero que non amosa o mesmo contido que nesta páxina, 'gl.wikipedia.org'. Gracias.
P.D.: Aproveito para comentar que na páxina de 'galipedia.gal', aparece un texto a pé de paxina que compre revisar: "Páxina aloxada por Wikimedia España, proxectos soprotados pola Fundación Wikimedia". Ai que cambiar "proxectos soprotados" por "proxectos sopoRtados".—o anterior comentario sen asinar foi feito por 88.10.70.181 (conversa • contribucións)
Ola, a páxina galipedia.gal non é da Galipedia nin da Wikipedia, é unha páxina rexistrada e mantida pola asociación Wikipedia:Wikimedia España para evitar que algunha persoa "roube" o dominio e poida utilizalo de forma incorrecta. Nesa páxina, se se pon un texto e se lle da a buscar, xa se vai realmente á Galipedia. Sobre o erro no texto avisaremos ós compañeiros de Wikimedia España para que o amañen o antes posible, moitas grazas polo aviso. Saúdos, Elisardojm (conversa) 8 de setembro de 2021 ás 07:56 (UTC)[responder]
02/05/2022: ¿David Beckham xogador ou EX-xogador de fútbol?[editar a fonte]
02/05/2022: ¿David Beckham xogador ou EX-xogador de fútbol?—o anterior comentario sen asinar foi feito por 85.91.85.248 (conversa • contribucións) 2 de maio 20:42
Bo día, na entrada da Galipedia de David Beckham este figura como ex xogador dende a edición realizada en 2013 por Krisko. Lamentablemente, como ben indicou, non figura esta denominación na sección de efemérides, polo que lle agradecemos a súa achega. Esta sección da portada só pode ser editada polas persoas con permisos de administración, polo que deixo un aviso aquí ( @MAGHOI:@Xabier Cid:@Atobar:@Chairego apc: ) para que se corrixa. Grazas de novo por axudar a mellorar a Wikipedia en galego. Un saúdo.--Maria zaos (conversa) 2 de maio de 2022 ás 20:24 (UTC)[responder]
Ola, @Maria zaos. Intenteino mudar pero debe ser que só o poden facer os administradores da interface. Eu mudábao pero non se gardaban os cambios. A ver se algúen con máis coñecementos o pode facer. Grazas polo aviso, de tódolos xeitos. MAGHOI (conversa) 2 de maio de 2022 ás 20:33 (UTC)[responder]
Boa tarde, ao entrar na páxina de Conversas sempre aparecen en 1º lugar as de 2019 e aparte hai unha ligazón ao "histórico de conversas".
Creo que sería preferible que aparecesen en 1º lugar as conversas máis recentes, podendo consultar as anteriores debaixo ou indo ás anteriores páxinas. Para ver conversas máis antigas poderíase utilizar a ligazón para acceder ao histórico.
Ola, no artigo destacado da portada aparece unha imaxe en inglés do artigo xenoma humano, pero esa imaxe hai algún tempo que foi traducida ao galego; de feito a imaxe en inglés xa non está no artigo. Todas as imaxes do artigo están en galego.Miguelferig (conversa) 1 de maio de 2023 ás 15:09 (UTC)[responder]